భాయ్ కే ఎస‌రు పెట్టేట్టున్నాడు!

బాలీవుడ్ లో ఇన్నాళ్లు భాయ్ అంటే ఒక్క‌డే. అది స‌ల్మాన్ భాయ్ మాత్ర‌మే. మున్నాభాయ్.. కింగ్ ఖాన్ .. కిలాడీ కుమార్.. దేవ‌గ‌న్.. ఇలా ఎంద‌రు ఉన్నా భాయ్ అంటే ఆ ఒక్క‌డినే అభిమానులు గుర్తుంచుకుంటారు. కండ‌ల హీరోగా బాహుబ‌లుడిగా ద‌శాబ్ధాల పాటు బాలీవుడ్ ని ఏల్తున్నాడు. అయితే ఇప్పుడు భాయ్ కే పోటీకొస్తున్నాడు ఈ యంగ్ గురుడు. ఇంత‌కీ ఎవ‌రండీ .. అని అడిగేస్తే వివ‌రాల్లోకి వెళ్లాల్సిందే.

కండ‌ల హీరోగా స‌ల్మాన్ ఖాన్ కి ఉన్న ప్ర‌త్యేకమైన ఇమేజ్ గురించి చెప్పాల్సిన ప‌నేలేదు. స‌ల్మాన్ త‌ర‌హాలోనే ఎంద‌రు ప్ర‌య‌త్నించినా కండ‌లు పెంచ‌గ‌లిగారే కానీ.. ఆ స్థాయిని మాత్రం అందుకోలేక‌పోయారు. జాన్ అబ్ర‌హాం.. హృతిక్ రోష‌న్ వీళ్ల బాడీ లాంగ్వేజ్ భాయ్ బాడీ లాంగ్వేజ్ తో పోలిస్తే ఎంతో వైవిధ్యం ఉంటుంది. అందువ‌ల్ల ఆ రేంజ్ లో ఇమేజ్ ని అందుకోవ‌డం ఎవ‌రి వ‌ల్లా కాలేదు.

ఎట్ట‌కేల‌కు స‌ల్మాన్ భాయ్ కి అస‌లైన కాంపిటీష‌న్ త‌న శిష్యుడి రూపంలోనే ఎదురైంది. లేటెస్ట్ గా రిలీజైన వ‌రుణ్ ధావ‌న్ లుక్ చూడ‌గానే ఇక భాయ్ కి ఆల్ట‌ర్నేట్ వ‌చ్చేశాడ‌నే కామెంట్లు వినిపిస్తున్నాయి. స‌ల్మాన్ ప‌రిచ‌యం చేసిన స్టార్.. స‌ల్మాన్ కి ఏకైక‌ శిష్యుడిగా పాపుల‌రైన వ‌రుణ్ ధావ‌న్ లుక్ చూడ‌గానే స్ట‌న్న‌యిపోయారంతే. స‌ల్మాన్ రేంజులో కండ‌లు పెంచి బాడీని పంప్ చేసిన తీరు మెస్మ‌రైజింగ్ అని పొగిడేయాల్సిందే. ఇక భాయ్ పొజిష‌న్ కి జూనియ‌ర్ భాయ్ ఎస‌రు పెట్టిన‌ట్టేన‌ని ఈ లుక్ చూడ‌గానే అర్థ‌మవుతోంది. డిసెంబ‌ర్ 18న ట్రైల‌ర్ తో రాబోతున్నాడు. ట్రైల‌ర్ లో ధావ‌న్ బోయ్ మెరుపులు మెరిపించ‌డం ఖాయం అని అర్థ‌మ‌వుతోంది. రెమో డి.సౌజా ద‌ర్శ‌క‌త్వం వ‌హిస్తున్న ఈ చిత్రంలో వ‌రుణ్ ధావ‌న్- శ్ర‌ద్ధా క‌పూర్- నోరా ఫ‌తేహి త‌దిత‌రులు న‌టిస్తున్నారు. టీసిరీస్ భూష‌ణ్ కుమార్ నిర్మిస్తున్నారు. జ‌న‌వ‌రి 24న ఈ చిత్రం రిలీజ్ కానుంది.