శత్రువులకు చెమటపట్టించే పాత్రలో మెగాస్టార్..

టాలీవుడ్ మెగాస్టార్ చిరంజీవి 152వ చిత్రం పై రోజురోజుకి అంచనాలు భారీగా పెరుగుతున్నాయి. ఈ మూవీని టాలీవుడ్ సక్సెస్ ఫుల్ డైరెక్టర్ శివ కొరటాల తెరకెక్కిస్తుండగా మాట్నీ ఎంటర్టైన్మెంట్ మరియు కొణిదెల ప్రొడక్షన్స్ వారు సంయుక్తంగా నిర్మిస్తున్నారు. ఈ సినిమాకు ఆచార్య అనే పేరును ప్రకటించిన విషయం తెలిసిందే. ఇప్పటికే చాలా వరకు ఈ చిత్ర షూటింగ్ పూర్తయింది. మే లో నెక్స్ట్ షెడ్యూల్ మొదలుకావాల్సి ఉందట. సామాజిక అంశానికి కమర్షియల్ ఎలిమెంట్స్ జోడించి కొరటాల ఈ చిత్రాన్ని తెరకెక్కిస్తున్నారట. అయితే తాజాగా ఈ సినిమా గురించి ఆసక్తికరమైన విషయం తెలిసింది. ఈ సినిమాలో చిరుకి జంటగా కాజల్ నటిస్తున్న విషయం తెలిసిందే.

అయితే ఈ సినిమాలో రాంచరణ్ కూడా మరో కీలక పాత్రలో కనిపించనున్నాడు. ఇక తాజాగా డైరెక్టర్ కొరటాలను చిరంజీవి పాత్ర ఎలా ఉండబోతుందని అడిగితే.. ఆచార్యలో మెగాస్టార్ కోసం స్ట్రాంగ్ క్యారెక్టర్ రాసాను. చిరు పాత్ర శత్రువులకు చెమటలు పట్టించే విధంగా సీరియస్ గా డిజైన్ చేసానని తెలిపారు. ఇక ఆయన కోసం బాగా ఎమోషన్స్ తో కూడిన బలమైన డైలాగ్స్ రాశారట. మొత్తానికి ఈ సినిమాలో మీరు చిరంజీవి సింహ గర్జన వినిపిస్తానని అంటున్నారు కొరటాల. ఈయన మాటలతో ఆచార్య పై అంచనాలు అమాంతం రెట్టింపు అవుతున్నాయి. ఇక ఈ సినిమాకు మణిశర్మ సంగీతం అందిస్తుండగా.. ఓ చిన్న పాత్రలో నిహారిక కనిపించనుందని సమాచారం. చూడాలి మరి మెగాస్టార్ ఆచార్యగా ఏ రేంజ్ లో గర్జిస్తారో.. శత్రువులను ఏ విధంగా ఉరకలు పెట్టిస్తారో..!