స్టైలిష్ అమిగోస్ టీజర్ అప్‌డేట్ వచ్చేసిందోచ్‌

నందమూరి కళ్యాణ్ రామ్‌ చాలా సంవత్సరాల తర్వాత బింబిసార సినిమా తో కమర్షియల్ సక్సెస్ ను దక్కించుకున్నాడు. దాంతో ఆయన నుండి రాబోతున్న అమిగోస్ మరియు డెవిల్‌ సినిమాలపై నందమూరి ఫ్యాన్స్ తో పాటు ప్రేక్షకుల్లో ఆసక్తి నెలకొంది. భారీ అంచనాల నడుమ రూపొందుతున్న అమిగోస్ సినిమా ను ఫిబ్రవరిలో విడుదల చేయబోతున్నట్లుగా ఇప్పటికే అధికారికంగా ప్రకటన వచ్చింది.

నూతన సంవత్సరం కానుకగా అమిగోస్ నుండి ఆసక్తికర పోస్టర్‌ వచ్చిన విషయం తెల్సిందే. తాజాగా ఈ సినిమా యొక్క టీజర్ ను విడుదల చేయబోతున్నట్లుగా మేకర్స్‌ ప్రకటించారు.

జనవరి 8వ తారీకు ఉదయం 11 గంటల 7 నిమిషాలకు అమిగోస్ టీజర్ ను విడుదల చేయబోతున్నట్లుగా అధికారికంగా యూనిట్‌ సభ్యులు ప్రకటించారు.

మైత్రి మూవీ మేకర్స్ వారు నిర్మిస్తున్న ఈ సినిమా లో నందమూరి కళ్యాణ్ రామ్‌ లుక్‌ వార్తల్లో నిలిచింది. గుబురు గడ్డం మరియు పొడవాటి జుట్టుతో చేతిలో గన్ పట్టుకున్న కళ్యాణ్ రామ్‌ ను చూస్తూ ఉంటే చాలా స్పెషల్‌ గా అనిపిస్తుంది అంటూ నెటిజన్స్ కామెంట్స్ చేస్తున్నారు. అమిగోస్‌ లో కళ్యాణ్ రామ్‌ లుక్‌ సినిమాపై ఆసక్తి పెంచడంలో సక్సెస్ అయ్యింది.

ఈ స్టైలిష్‌ అమిగోస్ యొక్క టీజర్ విడుదల తర్వాత సినిమాపై మరింతగా ఆసక్తి పెరిగే అవకాశం ఉందని మేకర్స్ నమ్ముతున్నారు. ఈ సినిమాకు రాజేంద్ర దర్శకత్వం వహిస్తున్నాడు.

ఆషికా రంగనాథ్‌ హీరోయిన్ గా నటిస్తోంది. ఈ స్టైలిష్ యాక్షన్ థ్రిల్లర్‌ ను వచ్చే నెల 10వ తారీకున విడుదల చేయబోతున్నట్లుగా ఇప్పటికే మేకర్స్‌ అధికారికంగా వెళ్లడించారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.