బ‌న్ని బ‌ర్త్ డే ట్రీట్ అదిరేలా!!

స‌రిగ్గా బ‌ర్త్ డేకి నెలరోజుల ముందే ఏఏ 19, ఏఏ 20 చిత్రాల్ని ప్ర‌క‌టించారు బ‌న్ని. అప్ప‌టివ‌ర‌కూ త్రివిక్ర‌మ్ తో మాత్ర‌మే సినిమా చేస్తున్నాడ‌ని భావించిన వారికి ఊహించ‌ని రీతిలో షాకిచ్చాడు. `ఆర్య` ఫేం జిగిరీ దోస్తీ సుకుమార్ తో సినిమాని ప్ర‌క‌టించి పెద్ద స‌ర్‌ప్రైజ్ ట్రీట్ ఇచ్చాడు బ‌న్ని. ప్ర‌స్తుతం అల్లు అర్జున్ - త్రివిక్రమ్ సినిమాను మించి.. అల్లు అర్జున్ - సుకుమార్ సినిమా గురించే మీడియా స‌హా స‌ర్వ‌త్రా ఆస‌క్తిక‌ర చ‌ర్చ సాగుతోంది. ఆర్య తెలుగు ఫ్యాన్స్ తో పాటు, మాలీవుడ్ `ఆర్య‌` ఫ్యాన్స్ లో అంతే వేడిగా ముచ్చ‌ట సాగుతోంది.

అల్లు అర్జున్ న‌టించే 19 వ సినిమా.. 20వ సినిమా ఒకే సారి సెట్స్ పైకి వెళ‌తాయా? లేక కొంత గ్యాప్ తో సెట్స్ పైకి తీసుకెళ‌తారా? అన్న‌ది తెలియాల్సి ఉంది. అలాగే రానున్న ద‌స‌రా, సంక్రాంతి సీజ‌న్ ల‌పై బ‌న్ని గురి పెట్టాడా? అన్న‌దానిపైనా స్ప‌ష్ఠ‌త రావాల్సి ఉంది. బ‌న్ని బ‌ర్త్ డేకి ఇంకో నెల‌రోజుల టైమ్ కూడా లేదు. ఏప్రిల్ 08న‌ బ‌ర్త్ డేకి అభిమానుల‌కు ఎలాంటి ట్రీట్ ఇస్తారోన‌న్న ఆస‌క్తిక‌ర చ‌ర్చ సాగుతోంది. ఇక త్రివిక్ర‌మ్ తో సినిమా ఏప్రిల్ నుంచి రెగ్యుల‌ర్ చిత్రీక‌ర‌ణ‌కు వెళుతుంద‌ని తెలుస్తోంది. అంటే బ‌ర్త్ డే కానుక‌గా ఆ సినిమాకి సంబంధించిన ఏదో ఒక ప్ర‌క‌ట‌న ఉంటుంద‌ని అభిమానులు భావిస్తున్నారు.

త్రివిక్ర‌మ్ సినిమా చిత్రీక‌ర‌ణ మొద‌లైన త‌ర్వాత‌ సుకుమార్ తో ప్రాజెక్టును వేగంగా మూవ్ చేస్తాడా? అన్నది వేచి చూడాలి. త్రివిక్ర‌మ్, సుక్కూతో ప్రాజెక్ట్ వివ‌రాల్ని బ‌ర్త్ డే రోజు వెల్ల‌డిస్తారా? అన్న‌ది వేచి చూడాల్సిందే. ఇక బ‌న్ని పుట్టిన‌రోజుకు నెల‌రోజుల ముందు నుంచే అల్లు అర్జున్ ఆర్మీలో సెల‌బ్రేష‌న్స్ ఊపందుకున్నాయి. ఇటు తెలుగు రాష్ట్రాలు స‌హా, కేర‌ళ‌లో, ఇత‌ర చోట్ల ఉన్న అభిమానులు సంబ‌రాలు మొద‌లు పెట్టేశారు. సోష‌ల్ మీడియాలో అందుకు సంబంధించిన క్లిప్స్ జోరుగా వైర‌ల్ అవుతున్నాయి. మ‌రోవైపు బ‌న్ని అభిమానులు ప‌లు చోట్ల చేప‌డుతున్న స‌మాజిక కార్యక్ర‌మాలు వెలుగు చూస్తున్నాయి.

For Video Click Here