అల్లు అర్జున్ అరుదైన ఫీట్..!

సినీ స్టార్స్ సోషల్ మీడియాలో యాక్టీవ్ గా ఉంటారనే సంగతి అందరికి తెలిసిందే. అప్పుడప్పుడు సోషల్ మీడియాలో పలు మైల్ స్టోన్ రికార్డులు బ్రేక్ చేస్తుంటారు. అది ఫాలోయింగ్ పరంగా కావచ్చు పోస్ట్ రీచ్ విషయంలో కావచ్చు. అయితే తాజాగా సోషల్ మీడియాలో టాప్ ఫ్యాన్స్ ఫాలోయింగ్ కలిగిన టాలీవుడ్ సెలబ్రిటీస్ లిస్టులో స్టైలిష్ స్టార్ అల్లు అర్జున్ చేరాడు. ప్రస్తుతం అల్లు అర్జున్.. స్టైలిష్ డైరెక్టర్ సుకుమార్ దర్శకత్వంలో పుష్ప అనే సినిమా చేస్తున్నాడు. పాన్ ఇండియా లెవెల్లో తెరకెక్కుతున్న ఈ సినిమా దేశవ్యాప్తంగా ఐదు భాషల్లో రిలీజ్ కాబోతుంది. అలాగే గతేడాది 'అలవైకుంఠపురంలో' సినిమాతో బ్లాక్ బస్టర్ హిట్ అందుకున్నాడు అల్లు అర్జున్. అది త్రివిక్రమ్ - అల్లు అర్జున్ కాంబినేషన్ లో హ్యాట్రిక్ సినిమా.

ఇప్పుడు సుకుమార్ - అల్లు అర్జున్ కాంబినేషన్ లో రూపొందుతున్న పుష్ప సినిమా మూవీ కూడా మూడోదే కావడం విశేషం. మరి కాంబినేషన్ హ్యాట్రిక్ హిట్ అందుకుంటుందా లేదా అనేది చూడాలి. ఇదిలా ఉండగా.. అల్లు అర్జున్ సోషల్ మీడియాలో కూడా చాలా యాక్టీవ్. తనకు సంబంధించిన అన్ని విషయాలు అభిమానులతో ఎప్పటికప్పుడు షేర్ చేసుకుంటాడు. అయితే అల్లు అర్జున్ కు సోషల్ మీడియాలో ఫాలోయింగ్ కూడా ఎక్కువే. ఆ మధ్యలో ఇంస్టాగ్రామ్ వేదికగా 10మిలియన్స్ ఫాలోయింగ్ కలిగిన సెలబ్రిటీస్ లిస్టులో చేరిన అల్లు అర్జున్.. తాజాగా 12మిలియన్స్ మార్క్ అందుకున్నాడు. రౌడీహీరో విజయ్ దేవరకొండ తర్వాత 10మిలియన్స్ మార్క్ అందుకున్న హీరో బన్నీనే కావడం మరో విశేషం. ట్విట్టర్ లో 5.3మిలియన్స్ ఫాలోయింగ్ కలిగిన బన్నీ.. ఫేస్ బుక్ లో 2 కోట్లకు పైగా సొంతం చేసుకున్నాడు.

ఇప్పుడు ఇంస్టాగ్రామ్ లో 12మిలియన్స్ మార్క్ అందుకునే సరికి కోటికి పైనే ఫాలోయింగ్ క్రాస్ అయింది. అయితే ప్రస్తుతం అల్లు అర్జున్.. 12మిలియన్స్ మార్క్ చేరుకోవడంతో ఫ్యాన్స్ చాలా హ్యాపీగా ఫీల్ అవుతున్నారు. అయితే పుష్ప సినిమా పై అటు అభిమానులలో ఇటు సినీవర్గాలలో భారీ అంచనాలు నెలకొన్నాయి. సుకుమార్ - అల్లు అర్జున్ ఈ సినిమాతో మంచి కమర్షియల్ హిట్టు కొట్టాలని కసితో కష్టపడుతున్నారు. అడవుల్లో ఎర్రచందనం స్మగ్లింగ్ నేపథ్యంలో సాగనున్న ఈ సినిమాలో అల్లు అర్జున్ లారీ డ్రైవర్‌గా కనిపించబోతున్నాడు. ఇప్పటికే పుష్ప టీజర్ సోషల్ మీడియాలో హల్చల్ చేస్తోంది.