ఇంస్టాగ్రామ్ '10 మిలియన్స్' క్లబ్ లో చేరిన స్టైలిష్ స్టార్..!!

గతేడాది 'అల వైకుంఠపురంలో' సినిమాతో బ్లాక్ బస్టర్ హిట్ అందుకున్నాడు స్టైలిష్ స్టార్ అల్లు అర్జున్. త్రివిక్రమ్ తో బన్నీ హ్యాట్రిక్ సినిమా అది. ఇక ప్రస్తుతం స్టార్ డైరెక్టర్ సుకుమార్ తో పుష్ప సినిమా చేస్తున్నాడు. ఈ సినిమా వీరిద్దరి కాంబినేషన్ లో హ్యాట్రిక్ మూవీ కావడం విశేషం. ఇదివరకే వీరి కాంబినేషన్ లో ఆర్య, ఆర్య 2 సినిమాలు మంచి హిట్ అందుకున్నాయి. ఇక పుష్ప పాన్ ఇండియా సినిమా కావడంతో పాటు ఐదు భాషల్లో రిలీజ్ అనేసరికి.. అటు అభిమానులలో, ఇటు సినీ వర్గాలలో అంచనాలు భారీస్థాయిలో నెలకొన్నాయి. సుకుమార్, అల్లు అర్జున్ ఈ సినిమాతో మంచి కమర్షియల్ సక్సస్ అందుకోవాలని కసితో కష్టపడుతున్నారు. అడవుల్లో ఎర్రచందనం స్మగ్లింగ్ నేపథ్యంలో సాగనున్న ఈ సినిమాలో అల్లు అర్జున్ లారీ డ్రైవర్‌గా కనిపించబోతున్నాడు.

బన్నీకి జోడీ చిత్తూరు అమ్మాయిగా అదే వేషబాషాలతో అలరించనుంది రష్మిక మందన. ఇదిలా ఉండగా.. బన్నీ సోషల్ మీడియాలో మరీ హీరోయిన్లంత కాకపోయినా అప్పుడప్పుడు యాక్టీవ్ గా ఉంటాడనే సంగతి తెలిసిందే. తనకు సంబంధించిన విషయాలు, తన సినిమాల విషయాలను ఎల్లప్పుడూ సోషల్ మీడియాలో షేర్ చేస్తూ ఉంటాడు అల్లు అర్జున్. అయితే ఈ స్టైలిష్ హీరోకి నెట్టింట ఫాలోయింగ్ కూడా ఎక్కువే. తాజాగా తన అభిమానులకు, ఫాలోయర్లకు థాంక్స్ చెప్పాడు. ఎందుకో కాదు.. అల్లు అర్జున్ ఇంస్టాగ్రామ్ ఫాలోయర్స్ సంఖ్య 10 మిలియన్లకు చేరుకోవడంతో సోషల్ మీడియా వేదికగా ప్రేక్షకులకు ఓ వీడియో రూపంలో థాంక్స్ తెలిపాడు. అలాగే ఎల్లప్పుడూ నాకు స్ట్రెంగ్త్ గా, మీ బ్లెస్సింగ్స్ తో ఆదరిస్తున్నందుకు చాలా సంతోషం అంటూ పోస్ట్ చేసాడు. ప్రస్తుతం ఆ వీడియో సోషల్ మీడియాలో వైరల్ అవుతోంది.