సుభద్రా పరిణయం: సవ్యసాచి గ్యాంగ్ రచ్చ!

అక్కినేని నాగచైతన్య - చందూ మొండేటి కాంబినేషన్ లో తెరకెక్కుతున్న 'సవ్యసాచి' రేపే ప్రేక్షకుల ముందుకు రానుంది. దీంతో ప్రమోషన్స్ జోరుగా సాగుతున్నాయి. రీసెంట్ గా ఈ సినిమానుండి 'సుభద్రా పరిణయం' టీజర్ ను విడుదల చేశారు. ఈ ఎపిసోడ్ లో చైతు అర్జునుడి గెటప్ లో మెరిస్తే మిగతా వారు ఇతర గెటప్పులలో కనిపించారు. చైతుకి అర్జునుడి గెటప్ చక్కగా సెట్ అయింది.

విద్యు రామన్.. వెన్నెల కిషోర్.. హైపర్ ఆది.. సుదర్శన్ లు తమ పంచ్ డైలాగ్స్ తో రచ్చ చేశారు. చెలికత్తె గెటప్ లోఉన్న విద్యు రామన్ 'మన కాలేజ్ లో సుభద్ర పరిణయం నాటకం జరగబోతోంది' అని ఇంట్రో ఇస్తుంది. కృష్ణుడి పాత్రలో వెన్నెల కిషోర్.. ధర్మరాజు పాత్రలో సుదర్శన్.. భీముడి పాత్రలో వైవా హర్ష ఇలా అందరికీ ఇంట్రెస్టింగ్ పాత్రలు ఇచ్చారు. సుదర్శన్ వెన్నెల కిషోర్ ను "బలరాముడంటే రాముడికి చుట్టమా?" అని ఆడిగితే ఇరిటేషన్ ఆపుకోలేక ఆపుకోలేక ఆపుకుంటూ వెన్నెల కిషోర్ "సుదర్శన చక్రం సర్వీసింగ్ కి ఇచ్చాను కాబట్టి సరిపోయింది.. లేకపోతే నీకుండేదిరా దరిద్రుడా" అంటాడు.

చైతు కూడా ఏం తక్కువతినలేదు. ఇందులో మూడు రౌండ్లు ఉంటాయి అన్నందుకు రెస్పాన్స్ గా "అయ్యో బలరాం బావా.. నాకు రెండు రౌండ్లకే కళ్ళు తిరుగుతాయి." అంటాడు దీనికి రెస్పాన్స్ గా హైపర్ ఆది "ఆ రౌండ్లు కాదు ఫాల్గుణా" అంటూ చిరాకు ప్రదర్శిస్తాడు. ఓవరాల్ గా ఈ ఎపిసోడ్ లో ఫుల్ గా ఫన్ వర్క్ అవుట్ అయిందని తెలుస్తోంది. చైతు బాడీ లాంగ్వేజ్.. కామెడీ టైమింగ్ బాగుంది. ఇంకెందుకు ఆలస్యం.. వెన్నెల కిషోర్ సుదర్శన చక్రం సర్వీసింగ్ నుండి తిరిగొచ్చే లోపు ఈ టీజర్ ను చూడండి.