ఇద్దరు హీరోలు.. విలన్ ఎవరు?

స్టార్ హీరోల సినిమాలంటేనే ప్రేక్షకుల్లో విపరీతమైన ఆసక్తి ఉంటుంది. అదే టాప్ పొజిషన్ లో ఉన్న ఇద్దరు హీరోలు కలిసి నటించిన సినిమా అంటే ఫ్యాన్స్ లో ఉండే జోషే వేరు. మల్టీ స్టారర్ సినిమాు బాలీవుడ్ లో మామూలే అయినా సౌత్ లో మాత్రం చాలా తక్కువ. తెలుగులో ఇప్పుడే ఈ ట్రెండ్ పుంజుకుంటోంది. శాండల్ వుడ్ ఈ విషయంలో ఒక అడుగు ముందుకు వేసింది.

కన్నడలో టాప్ హీరోలయిన శివరాజ్ కుమార్ - సుదీప్ కలిసి ‘ది విలన్’ సినిమా చేస్తున్నారు. జోగి (తెలుగులో యోగి) ఫేమ్ డైరెక్టర్ ప్రేమ్ ఈ సినిమాను డైరెక్ట్ చేశాడు. ఈ సినిమాలో ఇద్దరు హీరోలకు సంబంధించిన టీజర్‌ లను విడివిడిగా రిలీజ్‌ చేశారు. ముందుగా ఫ్యాన్స్‌ కోసం మల్టీఫ్లెక్స్‌లలో పెయిడ్‌ టీజర్‌ ను వదిలారు. ఇలా పెయిడ్ టీజర్ విడుదల చేయడం సౌత్ లో ఇదే ఫస్ట్. ఒకరోజు తరవాత యూట్యూబ్ లో రిలీజ్ చేశారు. ఈ టీజర్ లో ఇద్దరు హీరోలు తమను రావణాసురులమంటూ డైలాగ్ చెప్పడం విశేషం.

ది విలన్ సినిమాలో బ్రిటిష్ బ్యూటీ అమీ జాక్సన్ హీరోయిన్ గా నటిస్తోంది. బాలీవుడ్‌ నటుడు మిథున్‌ చక్రవర్తి - టాలీవుడ్‌ నటుడు శ్రీకాంత్‌ ఇంపార్టెంట్ రోల్స్ చేస్తున్నారు. వచ్చే నెలలో ఆడియోను విడుదల చేసి, ఆగస్ట్ లో చిత్రాన్ని ప్రేక్షకుల ముందుకు తెచ్చే ఆలోచనలో నిర్మాతలు ఉన్నారు.