బోయపాటి సినిమాలో సుదీప్ పంచ్

బాహుబలి కన్నా ముందు జక్కన్న సత్తా దేశం మొత్తం తెలిసేలా చేసింది ఈగ సినిమా. ఒక సినిమాను నాలుగైదు భాషల్లో ఒకేసారి రిలీజ్ చేయడం కాన్సెప్ట్ రాజమౌళి ఈ మూవీ నుంచే మొదలుపెట్టాడు. ఈ సినిమా రాజమౌళి దర్శకత్వ ప్రతిభతో పాటు అందరూ మెచ్చుకున్నది విలన్ గా నటించిన కిచ్చా సుదీప్ టాలెంట్.

కన్నడలో స్టార్ హీరో అయిన సుదీప్ అప్పుడప్పుడు ఇతర భాషల్లోనూ నటిస్తుంటాడు. బాహుబలి-1 యాక్షన్ 3డి సినిమాల్లో గెస్ట్ రోల్స్ చేశాడు. తాజాగా రామ్ చరణ్ తేజ్ హీరోగా బోయపాటి శ్రీను డైరెక్ట్ చేస్తున్న యాక్షన్ సినిమాలో మరోసారి సుదీప్ తెలుగు ప్రేక్షకుల ముందు కనిపించబోతున్నాడని లేటెస్ట్ టాక్. యాక్షన్ సీన్లు తీయడంలో బోయపాటి శ్రీను దిట్ట. ఈ సినిమాలో ఓ పవర్ ఫుల్ రోల్ కోసమని అతడిని బోయపాటి శ్రీను సెలక్ట్ చేసుకున్నాడని యూనిట్ సభ్యులు చెబుతున్నారు. ఈ మూవీకి ఇతడి రోల్ స్సెషల్ అస్సెట్ గా నిలుస్తుందని తెలుస్తోంది.

మెగాస్టార్ చిరంజీవి 151వ సినిమాలో కూడా సుదీప్ నటిస్తున్నాడు. ఇప్పుడు రామ్ చరణ్ సినిమాలో కూడా సుదీప్ నటిస్తుండటం మెగా అభిమానులను కచ్చితంగా హ్యాపీ న్యూసనే చెప్పొచ్చు.