పవర్ స్టార్ ఆఫర్ ని కన్నడ స్టార్ రిజెక్ట్ చేశాడా..?

పవర్‌ స్టార్‌ పవన్‌ కళ్యాణ్ - దగ్గుబాటి రానా కాంబినేషన్ లో ఓ సినిమా రూపొందుతున్న సంగతి తెలిసిందే. సాగర్‌ కె.చంద్ర దర్శకత్వంలో తెరకెక్కనున్న ఈ చిత్రాన్ని సితార ఎంటర్‌టైన్‌మెంట్స్‌ బ్యానర్‌ పై సూర్యదేవర నాగవంశీ నిర్మించనున్నాడు. ఇది మలయాళ సూపర్ హిట్ 'అయ్యప్పనుమ్ కోషియమ్‌' చిత్రానికి రీమేక్. బిజూ మీనన్ పోషించిన సిన్సియర్ పోలీసాఫీసర్ పాత్రలో పవన్ కళ్యాణ్ నటించనుండగా.. పృథ్వీరాజ్ పోషించిన పాత్రలో రానా కనిపిస్తాడు. ఇటీవలే ఈ చిత్రాన్ని పూజా కార్యక్రమాలతో లాంఛనంగా ప్రారంభించారు. అయితే ఇప్పుడు రానా చేయనున్న క్యారక్టర్ కోసం ముందుగా కన్నడ స్టార్ హీరో కిచ్చ సుదీప్ ని సంప్రదించారట.

పవన్ కళ్యాణ్ - సుదీప్ లకి మంచి అనుబంధం ఉందనే విషయం తెలిసిందే. దీన్ని దృష్టిలో పెట్టుకునే సుదీప్ ని సంప్రదించగా ఆయన వేరే కమిట్మెంట్స్ వల్ల ఈ ఆఫర్ ని సున్నితంగా రిజెక్ట్ చేసాడట. ఈ విషయాన్ని స్వయంగా చెప్పడం కోసమే సుదీప్ క్రిందటి నెలలో పవన్ కళ్యాణ్ కార్యాలయంలో సమావేశమయ్యారట. దీంతో మేకర్స్ దగ్గుబాటి రానా ని ఆ పాత్ర కోసం తీయకున్నట్టు తెలుస్తోంది. ఏకే రీమేక్ లో ఇద్దరి హీరోల పాత్రలు ప్రాధాన్యత కలిగివుండి ఒకదానికొకటి పోటీగా ఉండనున్నాయి. ఇద్దరి మధ్య పోరాట సన్నివేశాలు కూడా ఉంటాయి. మరి తెలుగులో ఈ రీమేక్ ఎలాంటి ఫలితాన్ని అందుకుంటుందో చూడాలి.