ఎన్టీఆర్ రియల్‌ లైఫ్‌ లో కూడా హీరోనే

హీరో సుధీర్‌ బాబు తాజాగా శ్రీదేవి సోడా సెంటర్‌ సినిమాతో ప్రేక్షకుల ముందుకు వచ్చాడు. సినిమా కు పాజిటివ్ రెస్పాన్స్ వచ్చింది. సినిమా ప్రమోషన్‌ లో భాగంగా సుధీర్ బాబు విడుదలకు ముందు నుండి విడుదల అయిన తర్వాత కూడా ప్రమోషన్ కార్యక్రమాల్లో పాల్గొంటున్నాడు. తాజాగా ప్రమోషనల్ ఇంటర్వ్యూలో భాగంగా సుధీర్ బాబు మాట్లాడుతూ ఎన్టీఆర్‌ గురించి ఆసక్తికర వ్యాఖ్యలు చేశాడు. ఎన్టీఆర్‌ యొక్క స్టార్ డమ్ గురించి సుధీర్‌ బాబు మాట్లాడుతూ ఆయన టీనేజర్‌ గా ఉన్నప్పుడే మంచి క్రేజ్‌ ను కలిగి ఉండేవాడు అంటూ చెప్పుకొచ్చాడు.

చాలా ఏళ్ల క్రితం సుధీర్‌ బాబు మరియు ఎన్టీఆర్ లు కలిసి బ్యాడ్మింటన్ ను ఆడేవారట. ఆ సమయంలోనే ఒక హీరో మాదిరిగా అతడి మూమెంట్స్ ఉండేవని.. అప్పట్లోనే అతడిని చూసేందుకు స్టేడియంకు చాలా మంది వచ్చే వారని సుధీర్‌ బాబు చెప్పుకొచ్చాడు. సినిమాల్లోనే కాకుండా రియల్‌ లైఫ్‌ లో కూడా సుధీర్ బాబు ఒక హీరో మాదిరిగా ఉంటాడు. ఆయన బాడీలాంగ్వేజ్ మొదలుకుని ఆయన మాట తీరు మరియు ఆయన ప్రవర్తన అన్ని కూడా హీరో అన్నట్లుగానే ఉంటాయని.. సినిమాల్లో ఒకలా బయట మరోలా ఉండడు అంటూ ఎన్టీఆర్ ను గురించి సుధీర్‌ బాబు చెప్పుకొచ్చాడు.

ఎన్టీఆర్ చిన్నతనంలోనే హీరోగా మంచి గుర్తింపు దక్కించుకున్నాడు. అంతకు ముందు నుండే ఆయన ఒక స్టార్‌ గా గుర్తింపు దక్కించుకున్నాడు అంటూ ఎన్టీఆర్‌ పై ప్రశంసల వర్షం కురిపిస్తూ సుధీర్‌ బాబు కామెంట్స్ చేశాడు. ప్రస్తుతం ఎన్టీఆర్‌ రియల్‌ స్టార్‌ గా మంచి గుర్తింపు దక్కించుకుని వరుసగా సినిమాలతో బ్లాక్ బస్టర్ హీరోగా దూసుకు పోతున్నారు. ఆయన రక్తంలోనే హీరోయిజం ఉంది కనుకే ఈ స్థాయిలో ఉన్నాడు అంటూ నందమూరి అభిమానులు కామెంట్స్ చేస్తున్నారు.