ఎట్టెట్టా.. అలా తీసి హిట్టు కొట్టేద్దామనే..!

టాలీవుడ్ లో ఒక కొత్త ట్రెండ్ నడుస్తుంది.. కమర్షియల్ సినిమా ఫార్మెట్ ని మార్చి.. ఎంచుకున్న కథకు ఎక్కడో ఒక చోట దేవుడికి లింక్ పెట్టేసి సినిమాలు చేస్తున్నారు. అవే ఇప్పుడు ప్రేక్షకులను ఎంటర్టైన్ చేస్తున్నాయి. బాలకృష్ణ హీరోగా బోయపాటి శ్రీను డైరక్షన్ లో వచ్చిన అఖండ కూడా సెన్సేషనల్ హిట్ అయ్యింది. ఇక కార్తికేయ 2 సృష్టించిన సంచలనాలు అన్ని ఇన్ని కావు. తెలుగు ఆడియన్స్ మాత్రమే కాదు నిఖిల్ కార్తికేయ 2 కి హిందీ ఆడియన్స్ కూడా బ్రహ్మరధం పట్టారు. మౌత్ టాక్ తోనే కార్తికేయ 2 హిందీలో అంత పెద్ద హిట్ అయ్యింది.

హిట్టు సినిమాకు సక్సెస్ ఫార్ములా అయిన ఈ దేవుడి కథలకు ఇప్పుడు మంచి డిమాండ్ ఏర్పడ్డది. ఇక ఇప్పుడు అదే దారిలో ఘట్టమనేని ఫ్యామిలీ హీరో సుధీర్ బాబు కూడా ఓ సినిమా చేస్తున్నాడు. హరోం హర అంటూ వస్తున్న ఈ సినిమా మోషన్ పోస్టర్ తోనే సినిమా కాన్సెప్ట్ హింట్ ఇచ్చారు చిత్రయూనిట్.

చిత్తూరు జిల్లాలోని కుప్పం బ్యాక్ డ్రాప్ లో హరోం హర సినిమా కథ నడుస్తుంది. సినిమాలో సుధీర్ బాబు చిత్తూరు యాసలో మట్లాడుతున్నాడు. చిత్తూరు భాషలో వచ్చి ఈమధ్య సూపర్ హిట్ కొట్టిన పుష్ప కూడా ఇక్కడ పరిగణలోకి తీసుకుంటున్నారు. అంటే సుధీర్ బాబు హరోం హర పుష్ప + కార్తికేయ 2 కలిపితే ఎలా ఉంటుందో అలాంటి సినిమా అని చెప్పొచ్చు.

కెరియర్ మొదటి నుంచి ప్రయోగాలు చేస్తూ రొటీన్ కి భిన్నంగా సినిమాలు చేస్తున్న సుధీర్ బాబు. ఈసారి హరోం హరతో కూడా డిఫరెంట్ కథ.. డివోషనల్ సబ్జెక్ట్ తో వస్తున్నట్టు తెలుస్తుంది. ఈ సినిమాని జ్ఞాన సాగర్ ద్వారక డైరెక్ట్ చేస్తున్నారు. ఈ మూవీని శ్రీ సుబ్రమణ్యేశ్వర సినిమాస్ బ్యానర్ లో సుమంత్ జి నాయుడు నిర్మిస్తున్నారు.

కార్తికేయ 2 ఇచ్చిన జోష్ తో సుధీర్ బాబు ఈ హరోం హర మూవీని కూడా పాన్ ఇండియా రేంజ్ లో రిలీజ్ చేయాలని ఫిక్స్ అయ్యారు. సుధీర్ బాబు 18వ సినిమాగా వస్తున్న ఈ ప్రాజెక్ట్ పై మోషన్ పోస్టర్ తోనే అంచనాలు పెంచారు. తప్పకుండా సుధీర్ బాబు కి ఈ సినిమా గొప్ప పేరు తెచ్చిపెడుతుందని చిత్రయూనిట్ చెబుతున్నారు. ప్రస్తుతం సుధీర్ బాబు హంట్ మూవీ చేస్తున్నారు. దానితో పాటుగా డైలాగ్ రైటర్ హర్షవర్ధన్ డైరక్షన్ లో మామా మశ్చింద్ర మూవీ కూడా చేస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.