సీక్వెల్ వర్కవుట్ అయ్యేనా సుధీర్!

మొన్నటిదాకా బాలీవుడ్ కే పరిమితమైన బయోపిక్ ట్రెండ్ ఇప్పుడు సౌత్ లో ఉదృతంగా మారింది. ఇప్పటికే ఐదారు నిర్మాణంలో ఉండగా ఇంకెన్ని వస్తాయో చెప్పలేని పరిస్థితి నెలకొంది. ఇప్పుడు ఈ లిస్ట్ లో ప్రముఖ బ్యాడ్మింటన్ క్రీడాకారుడు పుల్లెల గోపిచంద్ కథ కూడా చేరబోతోంది. అతని పాత్రలో సుధీర్ బాబుతో ప్రవీణ్ సత్తారు దర్శకత్వంలో రూపొందనున్న ఈ మూవీ స్క్రిప్ట్ దాదాపు ఫైనల్ అయ్యిందని సమాచారం. కాకపోతే ఇది సింగల్ గా కాకుండా ఎన్టీఆర్ తరహాలో రెండు భాగాలుగా తీసుకొచ్చే ప్రతిపాదన ఉందట. సెట్స్ పైకి వెళ్ళేలోపు దీని మీద నిర్ణయం తీసుకోవచ్చని అంటున్నారు.

స్వతహాగా బాడ్మింటన్ ప్లేయర్ అయిన సుధీర్ బాబు ఇప్పటికే దీని కోసం ప్రత్యేకంగా శిక్షణ కూడా తీసుకున్నట్టు టాక్. రామ్ తో ప్రాజెక్ట్ డ్రాప్ అయ్యాక ప్రవీణ్ సత్తారు చేస్తున్న సినిమా ఇదే. హీరోయిన్ టెక్నీకల్ టీమ్ వివరాలు ఇంకా తెలియాల్సి ఉంది. పుల్లెల గోపిచంద్ జీవితం లో సాధించిన విజయాలు ఆసక్తికరమైన ఘట్టాలు ఎన్ని ఉన్నప్పటికీ రెండు భాగాలుగా ప్రేక్షకులు ఎంతవరకు రిసీవ్ చేసుకుంటారు అనేది ఆలోచించాల్సి విషయమే. క్రికెట్ స్టార్స్ కుండే విపరీతమైన పాపులారిటీ బ్యాడ్మింటన్ ప్లేయర్స్ కు ఆ స్థాయిలో ఉందు.

అలాంటిది సచిన్ ధోని లాంటి దిగ్గజాల బయోపిక్ లే ఒక్క భాగంతో పూర్తి చేసినప్పుడు గోపిచంద్ ది మాత్రం రెండు సార్లు చూపిస్తాము అంటే బిజినెస్ పరంగా కొంత హెల్ప్ అవ్వోచ్చేమో కానీ మరీ ఎక్కువ ప్రయోజనాన్ని ఆశించలేం. ఎన్టీఆర్ బయోపిక్ ఇలాగే సీక్వెల్ తరహాలో వస్తున్నప్పటికీ ఆయన ఇమేజ్ వేరు. పైగా సుధీర్ బాబు మార్కెట్ లో భారీ ఓపెనర్ కాదు. సో మరి అనుకున్నట్టు రెండు భాగాలతోనే ముందుకు వెళ్తారా లేక కుదించి ఒకదాంట్లోనే గోపీచంద్ లైఫ్ ని చూపిస్తారా లెట్ వెయిట్ అండ్ సి