యాక్షన్ కి ఇంకా టైమ్ ఉంది

ఫైనల్ గా మహానుభావుడు సినిమాతో ఫెస్టివల్ హీరో అయ్యాడు శర్వానంద్. ఇటు నిర్మాతలకు అటు బయ్యర్లకు ఎటువంటి నష్టాలూ కలుగజేయకుండా బాక్స్ ఆఫీస్ మహానుభావుడు అయ్యాడు. ఏ మాత్రం తొందరపడకుండా మంచి కథలను సెట్ చేసుకుంటూ.. పోటీకి ఎన్ని సినిమాలు వచ్చినా హిట్ అందుకుంటున్నాడు. ఈ దసరాకు విడుదలైన మహానుభావుడు మంచి కలెక్షన్స్ తో దూసుకుపోతోంది. అంతే కాకుండా థియేటర్స్ ని కూడా పెంచేసుకుంటోంది.

ఇక తన నెక్స్ట్ సినిమా ఎప్పుడు ఏ స్థాయిలో తీస్తాడా అని అందరు అనుకుంటున్నారు. ఇప్పటివరకు వచ్చిన చిత్రాలకు కొంచెం బిన్నంగా చేయబోతున్నాడట. నిఖిల్ తో స్వామిరారా - కేశవా లాంటి మంచి హిట్ సినిమాలను తీసిన సుదీర్ వర్మతో ఓ కథను ఒకే చేసాడు. అయితే ఆ సినిమా పూర్తిగా యాక్షన్స్ థ్రిల్లర్ నేపథ్యంలో ఉండబోతోందట. కాని ఆ సినిమా స్టార్ట్ అయ్యేవరకు కొంచెం టైమ్ పట్టనుందని టాక్. అసలైతే ఈ నెలలోనే సినిమా స్టార్ట్ అవ్వాలి. ప్రస్తుతం దర్శకుడు ఈ ప్రాజెక్ట్ ప్రీ-ప్రొడక్షన్ పనులను నిర్వహిస్తున్నాడట.

అలాగే శర్వానంద్ కూడా మహానుభావుడు సినిమా కోసం చాలా కష్టపడ్డాడు. గ్యాప్ లేని బిజీ షెడ్యూల్ తో గడిపాడు. సినిమా హిట్ అవ్వడంతో కొన్ని రోజులు రెస్ట్ తీసుకుంటున్నాడు. దీంతో సుదీర్ సినిమా షూటింగ్ ను నవంబర్ లో పట్టాలెక్కించనున్నాడు. ఎలాగైనా మూడు నెలల్లో సినిమాను పూర్తి చేసి ఫిబ్రవరి నెలలో సినిమాను రిలీజ్ చేయనున్నారని తెలుస్తోంది. ఇక ఈ చిత్రాన్ని సితార ఎంటర్టైన్మెంట్స్ నిర్మిస్తోంది.