హీరోయిన్ అవ్వ‌క ముందే ఖాన్ డాటర్ హుషారు

గ‌త కొంత‌కాలంగా కింగ్ ఖాన్ షారూక్ వార‌సురాలు సుహానా గురించి ఆస‌క్తిక‌ర చ‌ర్చ సాగుతోంది. ఈ ముద్దుగుమ్మ క‌థానాయిక అవుతుంద‌ని షారూక్- గౌరీ ఖాన్ జంట ప్ర‌క‌టించింది మొద‌లు ప్ర‌పంచ వ్యాప్తంగా బాద్ షా అభిమానుల చూపు సుహానాపైనే ఉంది. అయితే న‌ట‌వార‌సురాలిగా పాపా (తండ్రి) లెగ‌సీని ముందుకు తీసుకెళ్ల‌డం అంటే అంత ఆషామాషీ వ్య‌వ‌హార‌మా? అందుకు త‌గ్గ‌ట్టే సుహానా త‌న ఫాలోవ‌ర్స్ ని పెంచుకునేందుకు ప్రిప‌రేష‌న్స్ లో ఉంది. క‌థానాయిక అవ్వాల‌న్న ఆలోచ‌న వ‌చ్చిందే మొద‌లు సుహానా జెట్ స్పీడ్ తో ప్ర‌ణాళిక‌ల్ని మార్చేసింది.

విదేశాల‌కు వెళ్లి వ‌ర‌ల్డ్ క్లాస్ న‌ట‌శిక్ష‌ణ తీసుకుంటోంది. అక‌డ‌మిక్ విద్య‌ను పూర్తి చేసి వ‌చ్చింది మొద‌లు న‌ట‌న ప‌రంగా నిపుణుల నుంచి సూచ‌న‌లు తీసుకుంది. ముఖ్యంగా షారూక్ స్నేహితుడు క‌ర‌ణ్ జోహార్ త‌న‌కు వెన్నంటి నిలుస్తున్నారు. జాన్వీ క‌పూర్-అహ‌నా పాండే- తారా సుతారియా లాంటి న‌ట‌వార‌సుల త‌ర్వాత మ‌ళ్లీ అంతే ప్ర‌తిష్ఠాత్మ‌కంగా సుహానాని అత‌డు ప‌రిశ్ర‌మ‌కు ప‌రిచ‌యం చేసేందుకు ప్రిప‌రేష‌న్ లోనే ఉన్నాడ‌ట‌.

తాజాగా సుహానా ల‌ఘు చిత్రాల్లో న‌టిస్తూ ప్రాక్టీస్ ని పూర్తి చేస్తోంది. ఇక ప‌నిలో ప‌నిగా ఎప్ప‌టిక‌ప్పుడు త‌న లేటెస్ట్ ఫోటోషూట్ల‌ను ఇన్ స్టాలో రివీల్ చేస్తూ వేడెక్కిస్తోంది. ఇటీవ‌లే త‌న స్నేహితురాళ్ల‌తో క‌లిసి పార్టీలో ఉన్న ఓ ఫోటోని సుహానా అభిమానుల‌కు షేర్ చేసింది. ఇంత‌లోనే మ‌రో హాట్ ఫోటోని రివీల్ చేసింది. బికినీలు.. స్ట్రిప్ చేసిన దుస్తుల‌తో నూ గ‌తంలో ఒంపు సొంపుల్ని ప్ర‌ద‌ర్శించింది. అందుకు భిన్నంగా టాప్ టు బాట‌మ్ స్పోర్ట్స్ వేర్ లో క‌నిపిస్తోంది. సుహానా ఏ ఫోటోని షేర్ చేసినా వెంట‌నే అభిమానులు స్పందిస్తున్నారు. ప్ర‌తి పోస్టింగుకి సోష‌ల్ మీడియా జ‌నం అంతే ధీటుగా కామెంట్లతో విరుచుకుప‌డుతున్నారు. కొన్నిసార్లు నెగెటివ్ కామెంట్ల‌తోనూ వేడెక్కిస్తున్నారు.