స్టార్ కిడ్ సెల్ఫీ పై ఇంత రుబాబా?

సామాజిక మాధ్య‌మాల వెల్లువ‌లో స్టార్ల‌కు.. స్టార్ కిడ్స్ కి ముప్పు తిప్ప‌లు త‌ప్ప‌డం లేదు. ఎక్క‌డ ఏ చిన్న పొర‌పాటు జ‌రిగినా వెంట‌నే దానిని పాయింట్ ఔట్ చేస్తూ నానా యాగీ చేసేస్తున్నారు. కొంద‌రు బూతు ప‌దాల‌తోనే తిట్టేయ‌డం ఇటీవ‌ల చ‌ర్చ‌కొస్తోంది. తాజాగా అలాంటి హీట్ నే ఎదుర్కొంది బాద్ షా షారూక్ కుమార్తె సుహానా ఖాన్.

సుహానా లేటెస్ట్ గా ఓ సెల్పీని సామాజిక మాధ్య‌మాల్లో పోస్ట్ చేసింది. ఈ సెల్ఫీలో 19ఏళ్ల‌ సుహానా ఎంతో అందంగా క‌నిపిస్తోంది. విశాలమైన ఆ భుజాల సౌంద‌ర్యాన్ని ఆవిష్క‌రిస్తూ .. హాఫ్ షోల్డ‌ర్ డిజైన‌ర్ డ్రెస్ లో సుహానా ఇచ్చిన ఫోజు యువ‌త‌రాన్ని ఆక‌ర్షించింది. ముఖ్యంగా ఆ సెల్పీ కోసం సుహానా ఒక సాధా సీదా అమ్మాయిలా స‌ర‌దా ప‌డుతున్న వైనం.. ఆ ఫోన్ వెన‌క ఏటీఎం కార్డ్ అంద‌రి కంటా ప‌డింది. అయితే అదే ట్రోల‌ర్స్ కి పని పెట్టింది. ``కోట్లున్నాయ‌ని ఏటీఎం కార్డ్ చూపిస్తావా?`` అంటూ ఓ నెటిజ‌న్ విరుచుకుప‌డ్డాడు.

అయితే అంద‌రు అమ్మాయిల్లానే సుహానా కూడా. ఇప్పుడే మైన‌ర్ నుంచి మేజ‌ర్ గా ప్ర‌మోటైంది. త‌న‌కంటూ స్నేహాలు.. పార్టీలు ఉంటాయి క‌దా! స్నేహితుల‌తో క‌లిసి ఫోటోలు దిగినా.. లేదా ఇలా ఏటీఎంని పొర‌పాటున చూపించినా అంతగా తిట్టేయాలా? సుహానాని మ‌రో కోణంలో చూస్తే.. డాడ్ షారూక్ లెగ‌సీని ముందుకు తీసుకెళ్లే ప‌ట్టుద‌ల‌తో బ‌రిలో దిగుతోంది. క‌థానాయిక అయ్యేందుకు స‌న్నాహ‌కాల్లో ఉంది. 2018 లో వోగ్ క‌వ‌ర్ పేజీ కోసం సుహానా ఇచ్చిన ఫోజులు సామాజిక మాధ్య‌మాల్లో జోరుగా వైర‌ల్ అయ్యాయి. సుహానా ఫోటో జెనిక్ లుక్ ఆక‌ట్టుకుంది. ఒక స్టార్ గా వెలిగిపోయే అన్ని క్వాలిటీస్ త‌న‌కు ఉన్నాయ‌న్న ప్ర‌శంస‌లు ద‌క్కాయి. ఇక ఇన్ స్టాగ్ర‌మ్.. ట్విట్ట‌ర్ వంటి చోట్ల సుహానాకి అసాధార‌ణ ఫాలోవ‌ర్స్ ఉన్న సంగ‌తి తెలిసిందే.