`లైగ‌ర్` బ్యూటీ బ‌ర్త్ డేని స్కిప్ కొట్టడానికి కార‌ణం?

బాలీవుడ్ బ్యూటీ అన‌న్య పాండే `లైగ‌ర్` చిత్రంతో టాలీవుడ్ కి ప‌రిచ‌య‌మ‌వుతోన్న సంగ‌తి తెలిసిందే. ఆరంభ‌మే డ్యాషింగ్ డైరెక్టర్ పూరి జ‌గ‌న్నాథ్ ద‌ర్శ‌క‌త్వంలో న‌టించి టాలీవుడ్ ఎంట్రీ ఇస్తోంది. దానికి తోడు ఆర్య‌న్ ఖాన్ డ్ర‌గ్స్ కేసు విష‌యంలోనూ అన‌న్య పేరు తెర‌పైకి రావ‌డంతో అమ్మ‌డి పేరు జాతీయ మీడియాలో సంచ‌ల‌నంగా మారింది. టాలీవుడ్ లో ఎంట్రీకి ముందే అన‌న్య ఇక్క‌డా హాట్ టాపిక్ గామారింది. ఆ సంగ‌తిని ప‌క్క‌న‌బెడితే... అక్టోబ‌ర్ 30 అనన్య పుట్టిన రోజు. అయితే ఈసారి సెల‌బ్రేష‌న్స్ కి దూరంగానే ఉన్న‌ట్లు తెలుస్తోంది. సోష‌ల్ మీడియాలో ఎక్క‌డా బ‌ర్త్ డే సంగ‌తి ప్ర‌స్థావ‌న‌కు రాలేదు.

ప్ర‌తీ ఏడాది బాలీవుడ్ స్టార్ కిడ్స్ తో గ్రాండ్ గా సెలబ్రేట్ చేసుకునే అమ్మ‌డు ఈసారి వాటికి దూరంగానే ఉన్న‌ట్లు తెలుస్తోంది. ఈ నేప‌థ్యంలో సోష‌ల్ మీడియా వేదిక‌గా షారుఖాన్ కుమార్తె సుహానా ఖాన్ అన‌న్య‌తో గ‌తంలో సెల‌బ్రేట్ చేసుకున్న‌ ఓ పాత ఫోటోని ఇన్ స్టా వేదిక‌గా షేర్ చేసి శుభాకాక్ష‌లు తెలిపింది. బ్లాక్ లెద‌ర్ కోట్ ని ధ‌రించిన అమ్మాయి సుహానాఖాన్ కాగా.. వైట్ టీష‌ర్ట్..డెనిమ్ జీన్స్ లో క‌నిపిస్తున్న‌ది అన‌న్య పాండే... మ‌ధ్య‌లో మ‌రో స్నేహితురాలు ఉంది. ఓ రెస్టారెంట్ లో పార్టీ మూడ్ లో ఉన్న‌ప్ప‌టి ఫోటో ఇది. కెమారాకి ఫోజులిచ్చే స‌మ‌యంలో ఈ ముగ్గురు టీనేజీ సుంద‌రాంగులు నవ్వుతూ క‌నిపించారు.

`స్టూడెంట్ ఆఫ్ ది ఇయ‌ర్ -2` అనే క్యాప్ష‌న్ కూడా జోడించారు సుహానా. నిన్ను ఎంత‌గానో ఇష్ట‌ప‌డే స్నేహితురాల్ని అంటూ సుహానా తెలిపింది. దీన్ని బ‌ట్టి ఈ ఫోటో కొన్నేళ్ల క్రితం నాటిద‌ని అర్థ‌మ‌వుతోంది. ఇక బాలీవుడ్ యంగ్ హీరో ఇషాన్ క‌త్త‌ర్ అన‌న్య‌ని ఉద్దేశించి ఆస‌క్తిక పోస్ట్ పెట్టాడు. ``ఆమె జీవితంలో ఎల్లప్పుడూ శ‌క్తివంతంగా ఉండాలి.. అంతే ప్రేమను క‌లిగి ఉండాలి. కేక్ డే.. శుభాకాంక్ష‌లు` అని తెలిపాడు. క‌త్రిన‌.. క‌రీనా- మ‌లైకా - సారా అలీఖాన్ త‌దిత‌రులు విషెస్ తెలిపారు. అన్న‌ట్లు ఇషాన్- అన‌న్య పాండే ల‌వ్ లో ఉన్న‌ట్లు మీడియా క‌థ‌నాలు వెలువ‌డిన సంగ‌తి తెలిసిందే. కానీ దానిని వారు ధృవీక‌రించ‌లేదు. ఆ ఇద్ద‌రూ ఖ‌లీపీలీ అనే చిత్రంలో జంట‌గా న‌టించారు.