సెంటిమెంట్‌ ను కాదు ట్యాలెంట్‌ ను నమ్మే వ్యక్తి సుక్కు

సినిమా ఇండస్ట్రీలో సీనియర్ల నుండి జూనియర్‌ ల వరకు ఎక్కువ శాతం మంది సెంటిమెంట్ ను నమ్ముతూ ఉంటారు. ఒక సినిమా సక్సెస్‌ అయితే తదుపరి సినిమా కు సక్సెస్‌ సినిమా తాలూకు ఏదో ఒకటి కంటిన్యూ చేయడం చాలా కామన్‌ గా చూస్తూ ఉంటాం. సెంటిమెంట్ వర్కౌట్‌ అయ్యి కొన్ని సందర్బాల్లో సినిమాలు సక్సెస్‌ అయితే కొన్ని సందర్బాల్లో సినిమాలు నిరాశ పర్చినవి కూడా ఉన్నాయి. సుకుమార్‌ రంగస్థలం సినిమా సూపర్‌ డూపర్‌ హిట్ అయ్యి ఇండస్ట్రీ హిట్‌ గా నిలిచిన నేపథ్యంలో ఆ సినిమాకు సంబంధించి కొన్నింటిని సుకుమార్‌ కంటిన్యూ చేసి సెంటిమెంట్ గా మరో సక్సెస్‌ ను దక్కించుకోవడం ఖాయంగా ప్రచారం జరిగింది.

రంగస్థలం సినిమాలో రంగమ్మత్త పాత్రకు మంచి పేరు వచ్చింది. అందుకే అలాంటి పాత్రనే పుష్పలో కూడా క్రియేట్‌ చేసి అనసూయతో చేయించాలని సుకుమార్‌ భావిస్తున్నట్లుగా వార్తలు వచ్చాయి. సెంటిమెంట్ ప్రకారం పుష్పలో కూడా అనసూయ ఉంటే మరో ఇండస్ట్రీ హిట్ ను సుకుమార్ దక్కించుకోవడం ఖాయంగా అంతా భావించారు. కాని తాజాగా అనసూయ స్పందిస్తూ తాను పుష్ప సినిమాలో నటించడం లేదు.. అసలు అలాంటి ఆఫర్‌ నాకు రాలేదు అంటూ తేల్చి చెప్పింది. అవకాశం వస్తే తప్పకుండా నటిస్తాను అలాగే మీకు చెప్తాను అంది. దీనిపై సుకుమార్‌ అభిమానులు స్పందిస్తూ సెంటిమెంట్‌ కోసం సుకుమార్‌ పాత్రలను క్రియేట్‌ చేసే రకం కాదు ఆయన ట్యాలెంట్‌ పై నమ్మకంతో సినిమా లు చేసే రకం అంటూ కామెంట్స్ చేస్తున్నారు.