'వాల్మీకి' లో క్రియేటీవ్ డైరెక్టర్ గెస్ట్ రోల్

వరుణ్ తేజ్ 'వాల్మీకి' రిలీజ్ కి రెడీ అవుతోంది. జిగర్తాండ రీమేక్ గా తెరకెక్కిన ఈ సినిమాను తన స్టైల్ లో మార్పులు చేర్పులు చేసి రూపొందిస్తున్నాడు హరీష్ శంకర్. ప్రస్తుతానికి ప్రమోషన్స్ తో ఎట్రాక్ట్ చేస్తుంది సినిమా. లేటెస్ట్ గా వినాయక చవితి సంధర్భంగా రిలీజ్ చేసిన పోస్టర్స్ అందరినీ ఆకట్టుకున్నాయి కూడా. ఈ నెల 13 న రావాల్సిన ఈ సినిమా ఓ వారం వెనక్కి వెళ్ళింది. సెప్టెంబర్ 20 న గ్రాండ్ గా రిలీజ్ అవుతోంది.

అయితే సినిమాలో కొన్ని సర్రైజ్ లు ప్లాన్ చేశాడట హరీష్. అందులో ఒకటి సుక్కు సర్రైజ్ అంట. సినిమాలో క్రియేటీవ్ డైరెక్టర్ సుకుమార్ ఓ గెస్ట్ రోల్ లో కనిపించనున్నాడట. ఈ విషయాన్ని స్వయంగా దర్శకుడు హరీష్ సామాజిక మాధ్యమం ద్వారా తెలియజేశాడు. ఏ స్మాల్ సర్రైజ్ ఫ్రొం సుకుమార్ ఇన్ వాల్మీకి. థాంక్యూ సో మచ్ డార్లింగ్ ఫర్ యువర్ స్వీట్ జిస్టర్ అంటూ పేర్కొన్నాడు హరీష్. ఇటీవలే సాయి ధరమ్ తేజ్ కోసం చిత్రలహరికి తన వాయిస్ ఓవర్ అందించిన సుక్కు ఇప్పుడు వరుణ్ కోసం వాల్మీకి లో గెస్ట్ అపిరియన్స్ ఇస్తున్నాడు.

సినిమాలో అధర్వ డైరెక్టర్ అవ్వాలనుకునే క్యారెక్టర్ లో కనిపించనున్నాడు. అయితే డైరెక్టర్ గా తను చేసే ప్రయత్నంలోనే స్టార్ డైరెక్టర్ ని కలుసుకుంటాడట అధర్వ. ఇటీవలే ఈ సీన్ ను షూట్ చేశారు. మరి సుక్కు ఎంట్రీ సినిమాలో ఎలా ఉంటుందో చూడాలి.