ఐటెం విషయంలో పట్టుదలతో ఉన్న సుకుమార్‌

అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న పుష్ప సినిమాను పాన్ ఇండియా రేంజ్ లో విడుదల చేయాలని భావిస్తున్నారు. ఇప్పటికే ఇతర భాషల నటీనటులు మరియు సాంకేతిక నిపుణులను ఈ సినిమాలో పార్ట్ చేయడం జరిగింది. హిందీ మరియు తమిళంలో మంచి మార్కెట్‌ కోసం దర్శకుడు సుకుమార్‌ ప్లాన్‌ చేస్తున్నాడు. ఐటెం సాంగ్‌ ను బాలీవుడ్‌ హీరోయిన్ తో చేయించడం వల్ల అక్కడ జనాల్లోకి సినిమా ఈజీగా వెళ్తుందనే అభిప్రాయంతో ఉన్నాడు. అందుకే దిశా పటానీని ఐటెం సాంగ్‌ కోసం సుకుమార్‌ అనుకున్నాడట. ఆమె పారితోషికంన నిర్మాతలకు షాక్ ఇచ్చేంతగా చెప్పిందట. అయినా కూడా ఆమెనే ఐటెం సాంగ్ కోసం తీసుకోవాలని సుకుమార్‌ భావిస్తున్నాడట.

సుకుమార్‌ తన ప్రతి సినిమాలో కూడా ఐటెం సాంగ్‌ ను ప్రత్యేకంగా ప్లాన్‌ చేస్తాడు. ఈ సినిమాలో కూడా ఐటెం సాంగ్‌ అందరిని మెప్పించే విధంగా ఉండాలని తెలుగు వారికి కూడా సుపరిచితురాలైన దిశా పటానిని ఎంపిక చేయాలని భావిస్తున్నాడట. పారితోషికం విషయంలో కాస్త అతి అయినా కూడా ఆమెనే ఎంపిక చేయాలని నిర్ణయించుకున్నట్లుగా తెలుస్తోంది. అతి త్వరలోనే దిశా పటానిపై ఐటెం సాంగ్ చిత్రీకరణ ఉండబోతుంది. ఆ సాంగ్ కోసం ఇప్పటికే దేవి శ్రీ అద్బుతమైన మాస్ బీట్‌ ను ట్యూన్ చేశాడు. ఇక సెట్ వేరె లెవల్‌ లో ఉండేలా డిజైన్ చేయిస్తున్నాడట. ఈ ఒక్క ఐటెం సాంగ్ కే సుకుమార్‌ భారీగా ఖర్చు పెడుతున్నాడు అంటూ ఇండస్ట్రీ వర్గాల ద్వారా సమాచారం అందుతోంది. చిన్న విషయాన్ని కూడా వదలకుండా ఐటెం సాంగ్‌ విషయంలో సుకుమార్‌ చాలా పట్టుదలతో ఉన్నట్లుగా యూనిట్ సభ్యులు కూడా అనధికారికంగా చెబుతున్నారు.