రంగస్థలం వెనుక ఆ సినిమా హస్తం

ఎంత మంచి దర్శకుడైన సరే ఎప్పుడో ఒకప్పుడు ఈ పని చేయాల్సి ఉండేది కాదు అని అనుకోవడం సహజమే. తాను తెరకెక్కించిన కొన్ని సినిమాలు ఫెయిల్ అయినప్పటికి దర్శకుడు ఆ సినిమా జ్ఞాపకాల నుంచి అంత ఈజీగా బయటపడలేడు. అయితే సుకుమార్ కూడా తన కెరీర్ లో ఎక్కువగా డిజాస్టర్ అయిన 1-నేనొక్కడినే రిజల్ట్ గురించి కూడా అంత తేలిగ్గా మరచిపోలేదు. అలాగే అప్పుటి రిజల్ట్ పై రంగస్థలం థ్యాంక్స్ మీటింగ్ లో మాట్లాడాడు.

ఆ సినిమా రిజల్ట్ తనకు చాలా ఉపయోగపడిందని చెప్పాడు. రంగస్థలం’ థాంక్యూ మీట్ సందర్భంగా ఓక వ్యక్తి సుకుమార్ ను గతంలో ప్రేక్షుకులపై సెటైర్ వేసిన విషయాన్ని గుర్తు చేశాడు. 'ప్రేక్షకులు ఇంకా నా సినిమా చూసేంత ఎదగలేదు' అని చెప్పారు. ఇప్పుడు రంగస్థలం హిట్ అయ్యింది. అదే ఆడియెన్స్ బావుంది అంటున్నారు.ఈ విషయంపై మీరు ఎలా స్పందిస్తారు? అని ఆడుగగా సుకుమార్ చాలా డిఫెరెంట్ గా తప్పంతా తనదే అన్నట్లు సమాధానం ఇచ్చారు.

''ఆ మాట నేను 1 సినిమాకు అనలేదు. జగడం సినిమా సందర్భంలో ఏం మారుస్తారు. అంటే ఆడియెన్స్ ని మారుస్తాను అని సమాధానం ఇచ్చాను. నిజానికి నాకు మెచ్యూరిటీ లెవల్స్ అప్పట్లో తక్కువ. కోపంలో అలా చెప్పేశాను. 1 నేనొక్కడినే సినిమాతో ఆ విషయం తెలుసుకున్నా'' అని చెబుతూ.. ''అలా తెలుసుకోవడం వల్లనే ఇప్పుడు రంగస్థలం సినిమా కోసం చాలా జాగ్రత్త పడ్డాను'' అని సుకుమార్ చెప్పిన తీరుకు అందరు చప్పట్లు కొట్టారు. సో రంగస్థలం సినిమా వెనుక మహేష్‌ డిజాష్టర్ ఉందని వేరే చెప్పక్కర్లేదు.