బూతులు, నీతులు కాదు.. నిజాలు

కుమారి 21 ఎఫ్.. సుకుమార్ రచన - నిర్మాణంలో వస్తున్న ఈ మూవీపై చాలానే అంచనాలు ఉన్నాయి. టైటిల్ - టీజర్ - ట్రైలర్ చూశాక.. ఇదో యూత్ ఫుల్ మూవీ అని అర్ధం అవుతూనే ఉంది. నేను ఫ్రెష్. - ఫస్ట్ కిస్ - ఫస్ట్ ఎఫైర్ - ఎక్స్ పీరియన్స్ అని హీరోయిన్ హీబా పటేల్ అనడం.. దానికి హీరో రాజ్ తరుణ్ అనుమానంగా చూసే సన్నివేశాలు చూస్తుంటే.. యువతరాన్ని కాస్త డెప్త్ గానే టచ్ చేయబోతున్నారనే విషయం అర్ధమవుతోంది.

ముఖ్యంగా కాన్సెప్ట్ ల విషయంలో సుకుమార్ స్టయిల్ డిఫరెంట్ గా ఉంటుంది. అయితే.. ఇది డైరెక్టర్ పల్నాటి సూర్యప్రతాప్ ఆలోచనగా సుకుమార్ చెప్పడం ఆశ్చర్యం కలిగించింది. కానీ.. ఇది పూర్తిగా సుకుమార్ స్టైల్ రైటింగ్ అని తేల్చేశాడు డైరెక్టర్. ఇప్పటితరం అమ్మాయిలు ప్లస్ అబ్బాయిలు.. వాళ్ల ఆలోచనలు, పరిచయాలు.. తర్వాత సాన్నిహత్యం, మరికొంత ముదిరాక ప్రేమ.. అపార్ధాలు - అభాండాలు.. ఇదంతా రియలిస్టిక్ గా తీసేసే ప్రయత్నం చేశారని తెలుస్తోంది.

ఇప్పటి రోజుల్లో కుర్రకారును నమ్ముకుంటే కిక్ ఎక్కించే సక్సెస్ ఖాయమే. అందులోనూ సుకుమార్ లాంటి విభిన్న అలోచనలున్న రచయిత నుంచి వచ్చిన ఈ స్టోరీపై బోలెడు ఇంట్రెస్ట్ పెరిగిపోతోంది. యువహీరో రాజ్ తరుణ్ కి కూడా ఈ మూవీ మంచి బ్రేక్ ఇచ్చేలా ఉంది. రెండు కమర్షియల్ హిట్స్ కొట్టిన ఈ కుర్రాడు.. ఇప్పుడో బ్లాక్ బస్టర్ పై కన్నేశాడు. చూస్తుంటే.. ఈ కోరిక తీరేలానే కనిపిస్తోంది.