పుష్ప ఛేజింగ్‌ సీన్స్‌ కోసం హైదరాబాద్‌ టు అరకు

టాలీవుడ్‌ స్టార్‌ హీరో అల్లు అర్జున్‌.. స్టార్ డైరెక్టర్‌ సుకుమార్‌ ల కాంబినేషన్‌ లో రూపొందుతున్న పుష్ప సినిమా చిత్రీకరణ మరో షెడ్యూల్ పూర్తి అయ్యింది. నిన్న మొన్నటి వరకు హైదరాబాద్‌ లో కీలక సన్నివేశాల చిత్రీరణ జరిగింది. ఇప్పుడు సినిమా తదుపరి షెడ్యూల్‌ ను అరకుకు షిప్ట్‌ చేయబోతున్నారట. కొన్ని ఛేజింగ్‌ సీన్స్ ను చిత్రీకరించడం కోసం అరకు వెళ్తున్నట్లుగా చిత్ర యూనిట్‌ సభ్యులు చెబుతున్నారు. రెడ్‌ శాండిల్ ను స్మగ్లింగ్‌ చేస్తున్న ముఠాకు పోలీసులకు మద్య జరిగే ఛేజింగ్ సీన్‌ లను అరకులో అయితే చాలా ఎఫెక్టివ్‌ గా చిత్రీకరించే వీలు ఉంటుందని దర్శకుడు సుకుమార్‌ అక్కడకు వెళ్లే ప్లాన్‌ చేశాడని అంటున్నారు.

పుష్ప సినిమా షూటింగ్‌ లో రష్మిక జాయిన్‌ అయ్యే సమయం వచ్చిందట. ఆమె మరి కొన్ని రోజుల్లో ఆమె చిత్రీకరణలో పాల్గొనబోతున్నట్లుగా వార్తలు వస్తున్నాయి. ఈ సినిమాపై ఉన్న అంచనాల నేపథ్యంలో దర్శకుడు సుకుమార్‌ ప్రతి విషయంలో జాగ్రత్తలు తీసుకుని చేస్తున్నాడు. సుకుమార్ కు ఆస్థాన సంగీత దర్శకుడిగా పేరు దక్కించుకున్న దేవి శ్రీ ప్రసాద్ ఈ సినిమాకు సంగీతాన్ని అందిస్తున్నాడు. అల్లు అర్జున్‌ కోసం అదిరిపోయే పాటలను దేవి ఇస్తున్నాడు అంటూ వార్తలు వస్తున్నాయి. దేవి సుకుమార్‌ ల కాంబోలో ప్రతి సారి ఐటెం సాంగ్‌ అదిరి పోతుంది. కనుక ఈసారి అంతకు మించి అన్నట్లుగా ఉంటుందని అంటున్నారు.