సుక్కు నోట ఆది డైలాగ్.. తొడగొట్టు చిన్నా

ఇంటెలిజెంట్ డైరెక్టర్ సుకుమార్ కి.. యంగ్ టైగర్ ఎన్టీఆర్ కి మంచి ఫ్రెండ్ షిప్ తో పాటు అండర్ స్టాండింగ్ కూడా ఉంది. అందుకే వీళ్లిద్దరూ కలిసి నాన్నకు ప్రేమతో చిత్రాన్ని ఆ రేంజ్ లో పండించగలిగారు. ఆ మూవీతోనే మొదటిసారి ఎన్టీఆర్ 50 కోట్ల రూపాయల షేర్ ను అందుకోగలిగాడు. ఇప్పుడు తన నెక్ట్స్ పిక్చర్ జనతా గ్యారేజ్ తో 70 కోట్ల క్లబ్ లోకి కూడా దూసుకొచ్చేశాడు జూనియర్.

జనతా గ్యారేజ్ సక్సెస్ ని ఫ్యాన్స్ తో షేర్ చేసుకునేందుకు ఏర్పాటు చేసిన సక్సెస్ మీట్ లో.. దర్శకుడు సుకుమార్ మాట్లాడాడు. అసలు కామెడీనే కాదు.. కామెడీ యాక్టర్ కూడా లేని ఈ సినిమా రిజల్ట్ ఎలా ఉంటుందా అని కొంత టెన్షన్ పడ్డ మాట వాస్తవమే అని అంగీకరించిన సుకుమార్.. రిలీజ్ తర్వాత రికార్డులు బ్లాస్ట్ అయ్యాయని చెప్పాడు. 'ఆది సినిమాలో ఎన్టీఆర్ కి తొడగొట్టు చిన్నా అనే డైలాగ్ ఉంటుంది. ఇలాంటి సినిమా పడితే ఎన్టీఆర్ ఏంటో అర్ధమవుతుంది' అంటూ ఫ్యాన్స్ కి హుషారు కలిగించాడు సుకుమార్. అదే టైమ్ లో గ్యారేజ్ దర్శకుడు కొరటాల శివను కూడా ఆకాశానికి ఎత్తేశాడు.

'తెలుగు సినిమాలో శివకు ముందు.. శివకు తర్వాత అంటూ ఉంటాం. అలాగే కమర్షియల్ సినిమాల లెక్కలో కొరటాల శివకు ముందు.. కొరటాల శివకు తర్వాత అనడం అతిశయోక్తిగా ఉన్నా నిజమే' అన్న సుకుమార్.. ఇప్పటికే శివకు ఫాలోయర్స్ కూడా వచ్చేశారని పొగిడేశాడు.