సమంత సరికొత్త రూల్ సెట్ చేసింది

ప్రస్తుతం టాలీవుడ్ స్టార్ హీరోయిన్స్ లిస్ట్ ను తీస్తే అందులో సమంత స్థానం ఎక్కడ ఉంటుందో ప్రత్యేకంగా చెప్పనక్కర్లేదు అనుకుంటా. గత కొంత కాలంగా రిజల్ట్స్ తో సంబంధం లేకుండా దూసుకుపోతోన్న ఈ బ్యూటీ పెళ్లి అయినా కూడా అదే స్టామినా చూపిస్తోంది. సాధారణంగా ఎవరైనా సరే పెళ్లైతే సినిమాల్లో ఫెడ్ అవుట్ అయిపోతారు. లేకుంటే ఆడియెన్స్ యాక్సెప్ట్ చెయ్యరు అనే ఒక టాక్ ఉంది.

కానీ సమంత కెరీర్ అలా కాలేదు. వరుసగా అవకాశాలు అందుకుంటూనే బాక్స్ ఆఫీస్ హిట్స్ కొట్టేస్తోంది. రంగస్థలం సినిమాతో ఇప్పటి వరకు ఏ హీరోయిన్ అందుకొని ఒక రికార్డును సొంతం చేసుకుంది. ఆమె నటించిన 13 సినిమాలు 1 మిలియన్ క్లబ్ లో చేరాయి అని చిత్ర దర్శకుడు సుకుమార్ తెలిపాడు. అంతే కాకుండా మొదట ఆమెకు పెళ్లి జరుగుతుండటంతో ఆడియెన్స్ యాక్సెప్ట్ చేస్తారా చేయరా అని అనుకున్నాం.

కానీ చిరంజీవి గారు ఒకే ఒక్కటి చెప్పారు. ఆడియెన్స్ ఏ మాత్రం నిరాశ చెందరు. సమంతని ఒక మంచి యాక్టర్ గా చూస్తారు. రామ లక్ష్మీ పాత్రకు ఆమె న్యాయం చేస్తుంది. ప్రేక్షకులకు చాలా బాగా నచ్చుతుందని చిరంజీవి చెప్పారని సుకుమార్ వివరించారు. అలాగే ఆ నమ్మకాన్ని ఈ రోజు సమంత నిజం చేసిందని - అందుకనే రామ లక్ష్మీ పాత్ర అంత గోప్పగా హిట్ అయ్యిందని చెప్పారు. ఇక మరో ముఖ్యమైన విషయాన్ని కూడా చెప్పారు. పెళ్లి చేసుకున్నంత మాత్రానా హీరోయిన్ ఇమేజ్ కి ఏ మాత్రం డోకా లేదని సమంత న్యూ రూల్ తెచ్చిందని సుకుమార్ తనదైన శైలిలో తెలియజేశారు.