స్టార్ డైరెక్టర్ సినిమా లైన్లో ఉందా?

టాలీవుడ్ సెన్సేషన్ విజయ్ దేవరకొండ అతి తక్కువ సమయంలో స్టార్డమ్ దిశగా అడుగులు వేసిన వాళ్ళలో ఒకరు. అదీ ఏమాత్రం ఫిల్మీ బ్యాక్ గ్రౌండ్ లేకుండా. సహజంగా బ్యాకప్ లేని హీరోలు అందరూ చేసినట్టే ఇప్పటివరకూ విజయ్ యంగ్ డైరెక్టర్స్ తోనే సినిమాలు చేస్తూ వచ్చాడు. లక్కీగా ఆలాంటి డైరెక్టర్లే విజయ్ ని స్టార్ ని చేశారు. 'పెళ్ళిచూపులు'.. 'అర్జున్ రెడ్డి'.. 'గీత గోవిందం' అలా యువదర్శకులతో పని చేసినప్పుడు వచ్చిన సినిమాలే. మరి విజయ్ ఒక స్టార్ డైరెక్టర్ తో ఎప్పుడు పనిచేస్తాడు?

విజయ్ తాజా చిత్రం 'టాక్సీవాలా' నవంబర్ 17 న ప్రేక్షకుల ముందుకు రానుంది. ఈ సినిమా ప్రమోషన్స్ సందర్భంగా అదే విషయం గురించి హింట్ ఇచ్చాడు. నెక్స్ట్ ఇయర్ తన ఫ్యాన్స్ ఖష్ అయ్యేలా ఒక ప్రాజెక్ట్ అనౌన్స్మెంట్ ఉంటుందని చెప్పుకొచ్చాడు. దీంతో ఖచ్చితంగా ఈ ప్రాజెక్ట్ ఒక స్టార్ డైరెక్టర్ తో అయి ఉంటుందని మనం ఫిక్స్ అయిపోవచ్చు. మైత్రీ మూవీ మేకర్స్ బ్యానర్ లో విజయ్ రెండు సినిమాలు సైన్ చేసిన విషయం తెలిసిందే. అందులో ఒకటి భరత్ కమ్మ దర్శకత్వంలో తెరకెక్కుతున్న 'డియర్ కామ్రేడ్'. ఈ సినిమా తర్వాత చేయబోయే రెండో సినిమా సుకుమార్ డైరెక్షన్లో ఉంటుందని సమాచారం.

సుకుమార్ తెలంగాణా సాయుధపోరాటం నేపథ్యంలో ఒక కథ మహేష్ బాబుకు వినిపిస్తే మహేష్ తనకు సూట్ కాదని ఇంట్రెస్ట్ చూపలేదట. అదే కథ విజయ్ దేవరకొండకు సెట్ అవుతుందని సుకుమార్ భావిస్తున్నట్టుగా ఇప్పటికే వార్తలు వచ్చాయి. కానీ ఒకే చిక్కు ఏంటంటే మహేష్ - సుకుమార్ ప్రాజెక్ట్ సెట్ కాకపోతేనే ఇది వచ్చే ఏడాది పట్టాలెక్కుతుంది. లేదంటే మహేష్ ప్రాజెక్ట్ పూర్తయిన తర్వాతే ఇది వర్క్ అవుట్ అయ్యే అవకాశం ఉంది.