సుకుమార్ రైటింగ్స్ లో రెండోది రెడీ!!

టాప్ డైరెక్టర్ అయినా సరే.. నిర్మాణ రంగంలో అడుగు పెట్టి హిట్ ప్రొడ్యూసర్ అనిపించుకున్నాడు సుకుమార్. కుమారి 21ఎఫ్ కి స్టోరీ.. స్క్రీన్ ప్లే అందించడమే కాకుండా.. సుకుమార్ రైటింగ్స్ బ్యానర్ పై రూపొందించి ఘనవిజయం సాధించాడు. ఈ బ్యానర్ పై రూపొందుతున్న రెండో చిత్రం దర్శకుడు. ఈ మూవీకి 'హర్ లవ్.. హిజ్ ప్యాషన్' అనేది ట్యాగ్ లైన్.

సుకుమార్ అన్నయ్య కొడుకు అశోక్ ను ఈ 'దర్శకుడు' మూవీ ద్వారా హీరోగా టాలీవుడ్ ఇంట్రడ్యూస్ చేయబోతున్నారు. ఇప్పటికే ఈ మూవీ షూటింగ్ చివరిదశలో ఉండగా.. మరో ఐదు రోజుల్లో పూర్తయిపోతుందని చెబుతున్నారు మేకర్స్. టాలీవుడ్ లో ఓ పెద్ద దర్శకుడి దగ్గర అసిస్టెంట్ గా పనిచేసే అసిస్టెంట్ డైరెక్టర్ ప్రేమకథే.. ఈ సినిమా స్టోరీ. మరి లవ్ స్టోరీ అన్నాక హీరోయిన్ కావాలిగా! వరంగల్ అమ్మాయి ఈషా.. దర్శకుడు మూవీలో హీరోయిన్ గా నటిస్తోంది.

సుకుమార్ దగ్గర ప్రస్తుతం అసిస్టెంట్ డైరెక్టర్ గా పని చేస్తోన్న హరి ప్రసాద్.. ఈ దర్శకుడు మూవీతో డైరెక్టర్ గా పరిచయం కానున్నాడు. సుకుమోర్ సోదరుడు విజయ్ కుమార్.. థామస్ రెడ్డిలు నిర్మిస్తుండగా.. బీటీఆర్ క్రియేషన్స్ బ్యానర్ పై ఈ చిత్రం రూపొందుతోంది. దర్శకుడు చిత్రాన్ని మార్చ్ చివరలో విడుదల చేసేందుకు సన్నాహాలు జరుగుతున్నాయి.

Like Us on Facebook : https://www.facebook.com/Tupakidotcom/