సుక్కుకే ఎందుకిలా ?

ఏ దర్శకుడు అయినా ఒక పెద్ద ఇండస్ట్రీ హిట్ సాధించాక ఏడాది పైగా ఖాళీగా ఉండటం అనేది సాధారణంగా జరిగేది కాదు. ఎందుకంటే అలాంటి వాళ్ళ కోసం నిర్మాతల చాంతాడంత క్యు హీరోల కాల్స్ తో మొగిపోయే ఫోన్ చాలా మాములు విషయాలు కాబట్టి. కాని సుకుమార్ పరిస్థితి దీనికి భిన్నంగా ఉంది. రంగస్థలం లాంటి నాన్ బాహుబలి మూవీని ఇచ్చాక ఏవేవో కారణాల వల్ల కొత్త సినిమా మొదలుపెట్టనేలేదు.

మహర్షి తర్వాత పక్కా అనుకున్న మహేష్ బాబు సినిమా చివరికి అనౌన్స్ మెంట్ స్టేజిలోనే ఆగిపోయింది. ఇక ఇప్పట్లో ఉండే ఛాన్స్ కనిపించడం లేదు. మరోవైపు మాటిచ్చిన అల్లు అర్జున్ త్రివిక్రమ్ శ్రీనివాస్ ది పూర్తి చేస్తే కాని ఫ్రీ అవ్వలేడు. ఇంకా షూటింగ్ మొదలుపెట్టనే లేదు. ఇంకొద్ది రోజుల్లో స్టార్ట్ చేస్తారు అనుకున్నా ఫినిష్ కావడానికి ఎంత లేదన్నా కనీసం ఆరు నెలలుపైగానే పడుతుంది. అప్పటిదాకా సుక్కుకు వెయిటింగ్ తప్పదు

ఇది మరో కోణం. తన దగ్గర అసిస్టెంట్లుగా చేసిన వాళ్ళను కెరీర్ పరంగా ప్రమోట్ చేయడం కోసం స్వయంగా చొరవ తీసుకుని లైన్ లో పెట్టిన ప్రాజెక్ట్స్ లో కొన్ని మిడిల్ డ్రాప్ అవుతుండటం ఎంత లేదన్నా ఇబ్బంది పెట్టే విషయమే. నాగ శౌర్య హీరోగా శరత్ మరార్ నిర్మాతగా సుక్కు అసిస్టెంట్ తో చేయాలనుకున్న సినిమా సెట్స్ పైకి వెళ్ళకుండానే ఆగిపోయిందని ఫిలిం నగర్ టాక్. దీని కన్నా ముందు నితిన్ తో సూర్య ప్రతాప్ మూవీ కూడా ఇలాగే క్యాన్సిల్ చేశారు. వైష్ణవ్ తేజ్ తో బుచ్చిబాబు దర్శకత్వంలో తీస్తున్న డెబ్యు మూవీ ఒక్కటే లైన్ లో సక్రమంగా ఉంది. తనకూ తన అసిస్టెంట్లకు ఇలా ఒకేసారి బ్యాడ్ టైం రావడం అంటే ఇబ్బందే కదా