కుర్రాడు అమీర్‌తో పోల్చుకొన్నాడే!

ఇప్పుడిప్పుడే ఎదుగుతున్న ఓ కథానాయకుడిని పలకరించండి. ఏ మెగాస్టారో, పవర్‌స్టారో ఇన్‌స్పిరేషన్‌ అని చెబుతాడు. కానీ సుమంత్‌ అశ్విన్‌ మాత్రం ఏకంగా అమీర్‌ఖాన్‌ని ప్రస్తావించాడు. అమీర్‌ ఇన్సిపిరేషన్‌ అని చెప్పలేదు కానీ... ఆయన కూడా నాలాగే మొదట్లో లవ్‌స్టోరీలు, ఆ తర్వాత మాస్‌ సినిమాలు చేశాడు కదా అని చెప్పుకొచ్చాడు. అంటే సుమంత్‌ అశ్విన్‌ టాలీవుడ్డూ, కోలీవుడ్డూని వదిలిపెట్టి ఏకంగా బాలీవుడ్డు హీరోలపై కన్నేశాడన్నమాట! మిస్టర్‌ పర్‌ఫెక్ట్‌ అమీర్‌ఖాన్‌ని స్ఫూర్తిగా తీసుకొని కథల్ని ఎంచుకొంటున్నాడన్నమాట!

వయసుకు తగ్గట్టుగా ఇప్పుడు ప్రేమకథల్లోనే నటించాలని, అందుకే ఎక్కువగా ప్రేమకథల్నే ఎంచుకొంటున్నానని సుమంత్‌ అశ్విన్‌ తన బర్త్‌డే ఇంటర్వ్వూల్లో చెప్పుకొచ్చాడు. నిర్మాత ఎమ్మెస్‌ రాజు తనయుడిగా పరిశ్రమలోకి అడుగుపెట్టిన ఆయన ఒక్కోమెట్టు ఎదుగుతున్నాడు. అంతకుముందు ఆ తర్వాత, లవర్స్‌లాంటి చిత్రాల్లో మంచి ఇంటెన్సిటీ ఉన్న పాత్రలు చేశాడు. ఇప్పుడు కేరింతలోనూ ఆయన నటన ఆకట్టుకుంటోంది. కెరీర్‌ని పక్కాగా ప్లాన్‌ చేసుకొని ముందుకు సాగుతున్న సుమంత్‌ అశ్విన్‌.... ఇప్పుడు ప్రేమకథల్లోనూ, ఆ తర్వాత అమీర్‌ఖాన్‌లాగే మాస్‌ స్టోరీలు చేయబోతున్నాడన్నమాట.