మళ్లీ ఓ అవకాశం వచ్చిందే!

అక్కినేని నాగార్జున మేనల్లుడిగా టాలీవుడ్ లో అడుగు పెట్టిన హీరో సుమంత్. ఈ హీరో కెరీర్ మొదటి నుంచి ఆటుపోట్లతోనే సాగుతోంది. ఒక హిట్టు.. మూడు ఫ్లాపులు అన్నట్లుగా కెరీర్ కంటిన్యూ చేస్తున్న సుమంత్.. కొన్నేళ్లుగా హిట్ మొహం చూడలేదు. 2011లో వచ్చిన గోల్కొండ హైస్కూల్ తర్వాత.. ఇప్పటివరకూ ఈ హీరోకి సక్సెస్ రాలేదు.

ఆ తర్వాత సినిమాల సంఖ్య కూడా బాగా తగ్గించేసుకుని.. అడపాదడపా మాత్రమే మూవీస్ చేస్తున్నాడు సుమంత్. తాజాగా కొత్త సినిమా షూటింగ్ ప్రారంభించాడు సుమంత్. స్వధర్మ్ ఎంటర్టెయిన్మెంట్ బ్యానర్ పై రూపొందుతున్న తొలి చిత్రంలో హీరోగా నటిస్తున్నాడు సుమంత్. తాజాగా ఈ చిత్రానికి పూజా కార్యక్రమాలు కూడా పూర్తి కాగా.. త్వరలో షూటింగ్ స్టార్ట్ చేసేయనున్నాడు సుమంత్.

బాలీవుడ్ మూవీ విక్కీడోనర్ కి రీమేక్ గా గతేడాది చేసిన 'నరుడా డోనరుడా' మూవీపై చాలానే ఆశలు పెట్టుకున్నాడు సుమంత్. ఇది స్వీయ నిర్మాణంలో తెరకెక్కిన చిత్రం కూడా. ఈ మూవీ డింకీ కొట్టేయడం సుమంత్ ను బాగా నిరుత్సాహపరిచిందనే చెప్పాలి. కంటెంట్ బాగున్నా.. దాన్ని హ్యాండిల్ చేసిన తీరు మాత్రం జనాలను ఆకట్టుకోలేకపోయింది. ఇప్పుడు తెరకెక్కనున్న మూవీతో మళ్లీ తను హిట్ ట్రాక్ లోకి వచ్చేస్తానని ఆశలు పెట్టుకున్నాడు సుమంత్.

Like Us on Facebook : https://www.facebook.com/Tupakidotcom/