నారి నారి డోనారి.. అంటున్న సుమంత్

డొనేట్ చేసేవాడిని డోనార్ అంటారు. ఇక స్పెర్మ్ డొనేట్ చేసేవాడ్ని స్పెర్ప్ డోనార్ అంటారు. మరి విక్కీ అనే అబ్బాయి స్పెర్మ్ డొనేట్ చేస్తుంటే వాడిని ఏమనాలి? ''విక్కీ డోనార్‌'' అన్నారు అప్పట్లో బాలీవుడ్ వారు. ఈ సినిమాను ఒకవేళ తెలుగులో తీస్తే ఏమనాలి సారూ?

అప్పట్లో హీరో సిద్దార్ధ్ కూడా తెలుగులో విక్కీ డోనర్ రీమేక్ చేయాలని అనుకున్నాడు. కాని అప్పటికే సినిమా రైట్లను దర్శకనిర్మాత మధుర శ్రీధర్‌ కొనేసుకోవడంతో మనోడు ఆ ఐడియాను డ్రాప్ చేసుకున్నాడు. తరువాత ఏమైందో తెలియదు కాని.. ఒక కొత్త దర్శకుడి డైరక్షన్లో అనూహ్యంగా సుమంత్ హీరోగా ఈ సినిమా తెరకెక్కేసింది. దాదాపు రిలీజ్ కు రెడీ అనే చెప్పాలి. ఈ సినిమాకు పలు పేర్లను ఆలోచించి.. చివరకు ''నారి నారి డోనారి'' అనే టైటిల్ పెడదామని ఫిక్సయినట్లు అన్నపూర్ణ స్టూడియో వర్గాల ద్వారా టాక్ వినిపిస్తోంది. ఇప్పటికే ఫస్టు కాపీని చూసిన నాగ్ కూడా.. ఈ దెబ్బకి సుమంత్ కెరియర్ రివైవ్ అయిపోవడం ఖాయం అని అంటున్నారట.

టైటిల్ ఎలా ఉన్నప్పటికీ ఈ సినిమా కాన్సెప్టు మాత్రం చాలా షాకింగ్ అనే చెప్పాలి. బాలీవుడ్ లో మల్టీప్లెక్స్ ఆడియన్స్ సినిమాకు బాగా కనక్ట్అయ్యారు. మరి తెలుగులో ఆడియన్స్ ఎలా కనక్టవుతారు అనే విషయం చూడాల్సిందే.