మ్యూజిక్ టాక్: కుట్టేసిందీ సుందరీ!!

ఇప్పటికే 'అమ్మడు లెట్స్ డు కుమ్ముడు' సాంగ్ రచ్చ లేపుతున్న సందర్బంలో.. ఇప్పుడు ''ఖైదీ నెం 150'' సినిమా నుండి మరో పాట విడుదలైంది. ఫారిన్ లొకేషన్లలో మెగాస్టార్ చిరంజీవి తన ప్రియురాలు కాజల్ అగర్వాల్ తో ఎలాంటి రొమాన్స్ చేయనున్నారో ఈ పాటలో చూపించనున్నారు. ''సుందరి'' అంటూ సాగే ఈ పాట ఎలా ఉందో చూద్దాం పదండి.

''సన్నాజిజిలా కుట్టేసిందిరో.. తేనెటీగలా కుట్టేసిందిరో.. సుందరి'' అంటూ సాగే ఈ సాంగ్ మెలోడియస్ గా బాగానే ఉంది. సాధారణంగా మెలోడీకి కాస్త డబ్ స్టెప్ స్టయిల్ బీట్ యాడ్ చేసి.. దేవిశ్రీ ప్రసాద్ హీరోలకు డ్యాన్సులు వేసుకోవడానికి చాలా స్కోప్ కలిపిస్తాడు. ఈ పాటకు హీరో మెగాస్టార్ కాబట్టి.. తన బీట్ తో బాగానే ఎక్సయిట్ చేశాడు. అలాగే జస్ప్రీత్ జాజ్ వాయిస్ కూడా చాలా మెస్మరిక్ గా ఉంది. టీజింగ్ సాంగ్ అనుకుంట.. ఫిమేల్ వాయిస్ లో లిరిక్సే లేవు. స్లోవేనియా వంటి యురోపియన్ దేశాల్లో ఈ పాటను షూట్ చేసిన సంగతి తెలిసిందే.

ఇకపోతే జనవరి 4న విజయవాడలో సినిమాకు సంబంధించి ప్రీ-రిలీజ్ ఫంక్షన్ జరుపబోతున్నారు. అలాగే జనవరి 13న సినిమా రిలీజ్ చేసే అవాకాశాలున్నాయి. వివి వినాయక్ దర్శకత్వంలో రూపొందుతున్న ఈ సినిమాకు.. రత్నవేలు కెమెరా వర్క్ పెద్ద ఎసెట్ కాబోతుంది. అలాగే దేవిశ్రీ మ్యూజిక్ అండ్ కాజల్ కవ్వింత కూడా ఊరిస్తోందిలే.



Like Us on Facebook : https://www.facebook.com/Tupakidotcom/