ఆసక్తిని కలిగిస్తున్న 'సుందరి' ట్రైలర్.!

మలయాళ ముద్దుగుమ్మ పూర్ణ - అర్జున్ అంబటి ప్రధాన పాత్రల్లో నటిస్తున్న చిత్రం ‘సుంద‌రి’. క‌ళ్యాణ్ జీ గోగ‌న దర్శకత్వంలో ఈ మూవీ తెరకెక్కుతోంది. రిజ్వాన్ ఎంటర్టైన్మెంట్ బ్యానర్ పై రిజ్వాన్ ఈ చిత్రాన్ని నిర్మిస్తున్నాడు. ఇప్పటికే విడుదలైన ఈ ఫ్యామిలీ డ్రామా ప్రచార చిత్రాలు మంచి రెస్పాన్స్ తెచ్చుకున్నాయి. ఈ క్రమంలో తాజాగా ఈ లేడీ ఓరియెంటెడ్ మూవీ ట్రైలర్ ‏ను చిత్ర యూనిట్ విడుదల చేసింది.

"పల్లెటూరు అంటేనే అందం.. అలాంటి అందమైన ఊర్లో ఒక అందమైన అమ్మాయి కథ'' అంటూ ఈ ట్రైలర్ ప్రారంభమవుతుంది. ఒక గృహిణికి కొందరు మగవాళ్ల జరిగిన అన్యాయాన్ని ఆమె ఎలా ఎదుర్కోగలిగింది అనే నేపథ్యంలో ఈ మూవీ తెరకెక్కుతున్నట్లుగా ట్రైలర్ చూస్తే అర్థమవుతుంది. పూర్ణ నటనకు ప్రాధాన్యం ఉన్న పాత్రలో కనిపించింది. దీనికి సురేష్ బొబ్బిలి సంగీతం సమకూర్చారు. బాల్ రెడ్డి సినిమాటోగ్రఫీ అందించగా.. మణికాంత్ ఎడిటింగ్ వర్క్ చేస్తున్నారు. 'సుంద‌రి' చిత్రాన్ని త్వరలోనే ప్రేక్షకుల ముందుకు తీసుకురానున్నట్లు వెల్లడించారు.