ఈసారైనా హిట్ కొడతాడా లేదా?

టాలీవుడ్ లో యంగ్ హీరోలు సక్సెస్ కొట్టాలంటే ప్రయోగాలు చెయ్యాలని ఫిక్స్ అయిపోతున్నారు. జయాపజయాలతో సంబంధం లేకుండా వినూత్న కథలను ఎంచుకుంటూ..కెరీర్ ను సక్సెస్ ట్రాక్ లో పెట్టాలనుకుంటున్నారు. అటువంటి వారిలో టాలీవుడ్ యంగ్ హీరో సందీప్ కిషన్ ఒకరు. కానీ చాలామందికి డిఫరెంట్ గా వెళితే కలిసి వస్తున్నా.. మన హీరోకి మాత్రం అస్సలు కలిసి రావడం లేదు.

వేంకటాద్రి ఎక్స్ ప్రెస్ తప్పితే ఈ హీరో ఇంతవరకు ఆ స్థాయిలో ఒక్క హిట్ ను కూడా అందుకోలేదు. ఆఖరికి కృష్ణ వంశీ కూడా భారీ డిజాస్టర్ ఇవ్వడంతో మనోడు కాస్త కంగారుగానే ఉన్నాడు. అయితే ఇతనికి ఆఫర్లు మాత్రం ఏ మాత్రం ఆగడం లేదు. స్టార్ హీరోయిన్స్ తో చేస్తూనే.. తనదైన స్టైల్ లో సినిమాను రిలీజ్ చేస్తున్నాడు. అయితే రీసెంట్ గా లావణ్య త్రిపాఠి తో కలిసి నటించిన ‘ప్రాజెక్టు జెడ్‌’ అనే సినిమాతో రాబోతున్నాడు. ఈ సినిమాలో హిందీ నటుడు జాకీ ష్రాఫ్‌ ఒక ప్రత్యేక పాత్రలో కనిపించబోతున్నాడట. ఇటీవల సినిమా యూనిట్ హైదరాబాద్ లో మీడియాతో ఓ సమావేశాన్ని ఏర్పాటు చేసి సినిమా గురించి కొన్ని అంశాలను తెలియజేశారు. సినిమాలో సందీప్ ఒక పోలీస్ ఆఫీసర్ పాత్రలో కనిపిస్తున్నాడని ఇక లావణ్య ఒక మెడికల్ స్టూడెంట్ గా కనిపించబోతోందోని చిత్ర నిర్మాత ఎస్‌ కె.బషీద్‌ తెలిపారు. అలాగే సివి. రవి కుమార్ ఈ సినిమాకు దర్శకత్వం వహించాడని అయన చిత్రాన్ని సరికొత్త కథామాశంతో తెరకెక్కించాడని తెలిపారు.మనుషులు నలభై ఏళ్ల క్రితం ఎలా ఉన్నారు? రానున్న నలభై ఏళ్లలో ఎలా ఉండబోతున్నారనేపాయింట్ మీద సినిమా కథ నడుస్తుందని వివరించారు.

ఇప్పటికే షూటింగ్ కంప్లిట్ చేసుకున్న ఈ సినిమాను సెప్టెంబర్ 2న రిలీజ్ చేస్తున్నారట. అలాగే తమిళ్ లో కూడా అదే డేట్ ని ఫిక్స్ చేశారట చిత్ర నిర్మాత. మరి ఈ సినిమా సందీప్ కిషన్ కి ఏ స్థాయిలో హిట్ ఇస్తుందో చూడాలి.