సందీప్‌ ఎందుకిలా చేస్తున్నావ్‌?

సందీప్ కిష‌న్ కి పాపం అస్స‌లు కాలం క‌లిసిరావ‌డం లేదు. ఏ సినిమా మీద ఆశ‌లు పెట్టుకున్నా... ఆ సినిమా అట్ట‌ర్‌ ఫ్లాఫై పోతోంది. గ‌త రెండు మూడేళ్ల‌లో క‌నీసం ఒక్క హిట్ కూడా కొట్ట‌లేదంటే ప‌రిస్థితి అర్థం చేసుకోండి. క‌నుక సందీప్ కిష‌న్ తీరు మార్చుకుంటే కానీ... నిల‌బ‌డ‌లేడని అంటున్నారు సినీజనాలు. కథ‌ల ఎంపిక‌లో కుర్రాడు కాస్త మారాల్సిందే.

వెంక‌టాద్రి ఎక్స్ ప్రెస్‌ - టైగర్ సినిమాలు త‌ప్ప సందీప్ కెరీర్‌ లో చ‌క్క‌గా ఆడిన సినిమాలే లేవు. అయినా అవ‌కాశాలు మాత్రం వ‌స్తూనే ఉన్నాయి. వ‌చ్చిన ఏ అవ‌కాశాన్ని కూడా స‌రిగా ఉప‌యోగించుకోవ‌డం లేదు సందీప్‌. తాజాగా విడుద‌లైన మ‌న‌సుకు న‌చ్చింది కూడా అట్ట‌ర్ ఫ్లాప్ అయిపోయింది. అందులో మ‌నోడి యాక్టింగ్ కూడా బాగోలేద‌న్న కామెంట్లు వినిపిస్తున్నాయి. ముఖ్యంగా ఎమోష‌న‌ల్ సీన్ల‌లో సందీప్ అస్స‌లు న‌టించలేక‌పోయాడు. అంతేకాదు అత‌ను క‌థ‌లు కూడా మంచివి ఎంచుకోలేక‌పోతున్నాడ‌ని కూడా గుస‌గుస‌లు వినిపిస్తున్నాయి. ఈ మ‌ధ్యన స్క్రిప్టులో వేలు పెట్ట‌డం లాంటివి చేస్తున్నాడని కూడా టాక్‌.

ప్రాజెక్ట్ జ‌డ్ సినిమా విష‌యంలో కూడా నిర్మాత‌ల‌తో గొడ‌వ‌లు - అలాగే డైరెక్ట‌ర్ల‌తో మ‌న‌స్ప‌ర్థ‌లు... ఇవ‌న్నీ సందీప్ సినిమా కెరీర్ కు ఇబ్బందులు క‌లిగించే అంశాలే. వీట‌న్నింటినీ మానుకుని చ‌క్క‌ని క‌థ‌లు ఎంచుకోక‌పోతే... సందీప్ కి క‌ష్ట‌మే అంటున్నారు సినీవిశ్లేష‌కులు. ప‌ద్ద‌తి ఇలాగే కొన‌సాగితే మాత్రం... ఒక త‌రుణ్‌... ఒక తనీష్‌... ఒక వ‌రుణ్ సందేశ్‌... ఆ వ‌రుస‌లో త‌రువాతి పేరు సందీప్ కిషన్ దే చెప్పాల్సి వ‌స్తుందేమో. కొన్నాళ్ల‌కి క‌న‌బ‌డుట‌ లేదు అనే హీరోల జాబితాలోకి సందీప్ చేరిపోయే ప్ర‌మాదం ఉంది. క‌నుక ఇప్పుడైనా తేరుకుని క‌థ‌ల ఎంపిక‌పై దృష్టి పెడితే మంచిది.