ఫోటో స్టొరీ: బాహుబలి పోజంటున్న మిల్కీ

తమన్నా.. సందీప్ కిషన్.. నవదీప్ లు ప్రధాన పాత్రలలో నటిస్తున్న తాజా చిత్రం 'నెక్స్ట్ ఏంటి'. బాలీవుడ్ దర్శకుడు 'ఫనా' ఫేమ్ కునాల్ కోహ్లి ఈ సినిమాకు దర్శకుడు. ఈ సినిమా త్వరలో రిలీజ్ కానుండడంతో ప్రమోషన్స్ మొదలు పెట్టారు. తాజాగా నెక్స్ట్ ఏంటి లీడ్ యాక్టర్స్ రానా దగ్గుబాటి నిర్వహించే పాపులర్ టీవీ షో నెం.1 యారీ లో పాల్గొన్నారు.

ఇక రానా సంగతి చెప్పేదేముంది? అసలే అల్లరి.. పైగా అందరూ యంగ్ బ్యాచ్. గెస్టుల చేత బాహుబలి పోజు పెట్టించాడు. తమన్నా ఆ ఫోటోను తన ఇన్స్టాగ్రామ్ ఖాతా ద్వారా పోస్ట్ చేసి "అద్భుతమైన టాలెంట్ ఉన్న రానా దగ్గుబాటి.. సందీప్ కిషన్.. నవదీప్ లతో. బాహుబలి పోజు ను సరిగ్గా పెట్టేందుకు ప్రయత్నిస్తున్నాం. ఇంతకీ ఎవరు గిఫ్ట్ హ్యంపర్ గెలుచుకున్నారో కనుక్కోగలరా? #నెం. 1 యారీ విత్ రానా #నెక్స్ట్ ఏంటి #టీమ్ నెక్స్ట్ ఏంటి" అని క్యాప్షన్ ఇచ్చింది.

మరోవైపు నవదీప్ తన ఇన్ స్టాగ్రామ్ ఖాతా ద్వారా మరో ఫోటో పోస్ట్ చేశాడు. ఇందులో తమన్నాకు ఒకవైపు నవదీప్.. మరోవైపు సందీప్ కిషన్ నిలబడి ఉన్నారు. ముగ్గురూ మంచి స్మైల్ ఇస్తూ ఫోటోకు పోజిచ్చారు. హీరోలిద్దరూ బ్లేజర్ లలో స్టైలిష్ గా ఉంటే తమన్నా మాత్రం ఒక టీ షర్టు - షార్ట్ మిడ్డీ లో అల్ట్రా స్టైలిష్ గా ఉంది. నెక్స్ట్ ఏంటి? ఏం లేదు ఇంకా ఇలాగే గట్టిగా ప్రమోషన్స్ చేస్తారు!