సందీప్‌ కిషన్‌ ఆ ట్వీట్‌ తో గొప్పొడయ్యాడు!

సీనియర్‌ హీరోలతో పోల్చితే యంగ్‌ హీరోల మద్య మంచి సన్నిహిత సంబంధాలు కొనసాగుతున్న విషయం తెల్సిందే. యంగ్‌ హీరోలు ఒకరి సినిమా వేడుకలకు మరొకరు హాజరు అవ్వడం జరుగుతుంది. అయితే అంతా కూడా కలిసి ఉన్నారు అనుకోలేం. అతి కొద్దిమంది మాత్రం ఎడమొహం పెడమొహం అన్నట్లుగా ఉంటున్నారు. తాజాగా సందీప్‌ కిషన్‌ ట్విట్టర్‌ లో విజయ్‌ దేవరకొండ గురించి స్పందించిన తీరు అందరి అభినందనలు దక్కించుకుంటుంది.

సందీప్‌ కిషన్‌ హీరోగా తమన్నా హీరోయిన్‌ గా కునాల్‌ కోహ్లీ దర్శకత్వంలో రూపొందిన ‘నెక్ట్స్‌ ఏంటీ’ చిత్రం ట్రైలర్‌ విడుదల అయ్యింది. ఆ చిత్రం ట్రైలర్‌ గురించి ఒక నెటిజన్‌ స్పందిస్తూ.. ఈ చిత్రంలో విజయ్‌ దేవరకొండ నటిస్తే బాగుండేది. ఇలాంటి పాత్రలు ఆయనకు అయితేనే బాగుంటాయి అంటూ పోస్ట్‌ చేశాడు. ఈ చిత్రంలో ఆయన నటించి ఉంటే ట్రైలర్‌ కు మంచి వ్యూస్‌ వచ్చి ఉండేవి అనేది ఆయన అభిప్రాయం. ఆ నెటిజన్‌ ట్వీట్‌కు స్పందనగా మొదట మా చిత్ర యూనిట్‌ సభ్యులు విజయ్‌ దేవరకొండనే సంప్రదించారు. కాని ఆయన డేట్లు దొరక పోవడం వల్ల నాతో సినిమాను తీశారు అంటూ పోస్ట్‌ చేశాడు.

సందీప్‌ కిషన్‌ సమయస్ఫూర్తితో చేసిన ట్వీట్‌ ప్రస్తుతం సోషల్‌ మీడియాలో వైరల్‌ అయ్యింది. సందీప్‌ స్పందనకు అంతా కూడా కూడా అభినందిస్తూ ట్వీట్స్‌ చేస్తున్నారు. అప్పుడే సదరు నెటిజన్‌ స్పందించి... అయ్యో నా ఉద్దేశ్యం నిన్ను తక్కువ చేయడం కాదన్న, నీపై నేను ఎన్నో మంచి ట్వీట్స్‌ చేశాను. ట్రైలర్‌ కు టీజర్‌ కు వ్యూస్‌ పెరగడం లేదు. అదే ట్యాక్సీవాలా చూడు కంటెంట్‌ లేకున్నా బాగా వ్యూస్‌ వస్తున్నాయి అనే ఉద్దేశ్యంలో అన్నాను - నన్ను క్షమించు అంటూ ట్వీట్‌ చేశాడు. ఆ ట్వీట్‌ కు మళ్లీ స్పందించిన సందీప్‌ కిషన్‌.. నేనేం బ్యాడ్‌ గా తీసుకోలేదు. నాకు నిజంగా విజయ్‌ దేవరకొండ అంటే చాలా ఇష్టం. ఆయన కష్టపడి మంచి సినిమాలు చేస్తున్నాడు అంటూ చెప్పుకొచ్చాడు. ఈ రెండు ట్వీట్స్‌ తో విజయ్‌ దేవరకొండ అభిమానుల అభిమానంను సందీప్‌ కిషన్‌ సొంతం చేసుకున్నాడు.