ఆ లిస్టులోకి చేరిన సందీప్

ఒక‌ప్పుడు ఒక వెలుగు వెలిగి... ఆ త‌ర్వాత మెల్లిమెల్లిగా ఫేడ‌వుట్ అయిపోతుంటారు కొంద‌రు హీరోలు. తెలుగులో ఈ జాబితా చాలా పెద్ద‌దే. ‘ఆనందం’ ఆకాష్‌- ‘6 టీన్స్‌’ వినీత్‌- ఉద‌య్ కిర‌ణ్‌- త‌రుణ్‌- వ‌రుణ్ సందేశ్‌- సుశాంత్‌... ఇలా చాలామందే హీరోలు కెరియ‌ర్ మొద‌ట్లో మంచి విజ‌యాలు అందుకుని... తెలుగులో మంచి ఫాలోయింగ్ తెచ్చుకున్నారు. అయితే ఆ త‌ర్వాత ఆ స్థాయి విజ‌యాలు అందుకోలేక పూర్తిగా ఫేడ‌వుట్ అయిపోయారు. ఇప్పుడు ఈ లిస్టులోకి యువ హీరో సందీప్ కిష‌న్ కూడా చేరిపోయాడు.

సందీప్ కిష‌న్ కెరీర్లో ‘వెంక‌టాద్రి ఎక్స్ ప్రెస్‌’ వంటి మంచి సూప‌ర్ హిట్ సినిమా ఉంది. తెలుగులో ర‌కుల్ ప్రీత్ సింగ్ కి స్టార్ హీరోల సినిమాల్లో అవ‌కాశాలు తెచ్చిపెట్టింది ఈ సినిమానే. నిత్యామీన‌న్‌- లావ‌ణ్య త్రిపాఠి- మెహ్రీన్ వంటి హీరోయిన్ల‌తోనూ సినిమాలు చేసిన అనుభ‌వ‌మూ ఉంది. అయితే మ‌నోడు ఒకేసారి కోలీవుడ్ లోనూ- టాలీవుడ్ లోనూ ఫాలోయింగ్ తెచ్చుకోవాల‌ని అనుకున్నాడు. అందుకే త‌మిళంలో సినిమాలు చేస్తూ వాటిని డ‌బ్బింగ్ చేస్తూ తెలుగులో విడుద‌ల చేయ‌డం మొద‌లుపెట్టాడు. సిద్దార్థ్ కూడా ఈ త‌ర‌హా ప్ర‌యోగం చేసే తెలుగులో ఉన్న‌ఫాలోయింగ్ పొగొట్టుకున్నాడు. ఇప్పుడు సందీప్ కిష‌న్ ప‌రిస్థితి కూడా ఇదే.

పోనీ త‌మిళంలో అయినా ప‌రిస్థితి బాగుందా... అంటే అదీ లేదు. అక్క‌డ‌ చివ‌ర‌గా తీసిన ‘మాయ‌వ‌న్‌’ సినిమా కూడా నిరాశపరిచింది ఆ త‌ర్వాత ‘న‌ర‌గాసూర‌న్‌’ అనే సినిమా చేస్తున్నా... గౌత‌మ్ మీన‌న్ కీ - చిత్ర ద‌ర్శ‌కుడు కార్తీక్ న‌రేన్ కి మ‌ధ్య వివాదం త‌లెత్త‌డంతో ఈ సినిమా ఎప్పుడు విడుద‌ల అవుతుందో తెలియ‌ని ప‌రిస్థితి. చూడాలి... మ‌నోడు ఎలా క‌మ్ బ్యాక్ అవుతాడో... లేక పూర్తిగా ఫేడ‌వుట్ అయిపోతాడో!