ఆమె 'అందాలే' అతన్ని కాపాడాలి!

టాలీవుడ్ యువ హీరోల్లో చాలా హీరోలకు మంచి టాలెంట్ ఉన్నా...అదృష్టం మాత్రం కలసి రాక - పాపం హిట్ కోసం తెగ పడిగాపులు కాస్తూ ఉంటారు. అయితే అలాంటి హీరోల్లో ఒకడు మన యువ హీరో సందీప్ కిషన్. ఇండస్ట్రీలో కాస్తో కూస్తో బడా బ్యాక్‌ గ్రౌండ్ ఉన్నప్పటికీ - తనలో మంచి టాలెంట్ ఉన్నప్పటికీ పాపం అదృష్టం మాత్రం కలసి రావడంలేదు ఈ కుర్ర హీరోకి. కట్ చేస్తే ఈ హీరోకి ఇప్పుడు సక్సెస్ కావాలి. అది ఎలాంటి సక్సెస్ అంటే ఈ ఒక్క సినిమాతో రాత్రికి రాత్రే సందీప్ కిషన్ టాప్ హీరోల సరసన చేరిపోవాలి అలాంటి హిట్ కావాలి.

ఇదిలా ఉంటే గత ఏడాది 'నెక్స్ట్-ఏంటి' అంటూ ప్రేక్షకులను పలకరించిన సందీప్ కిషన్ కి బాక్స్ ఆఫీస్ వద్ద చేదు అనుభవమే మిగిలింది. ఇక ఈ ఏడాది 'నిను వీడని నీడను నేను' అంటూ ఒక హారర్ థ్రిలర్ తో రావడానికి సిద్దం అవుతున్నాడు ఈ యువ హీరో. అయితే ఈ సినిమాకి అతను హీరో మాత్రమే కాదు - పైసలు పెడుతున్న ప్రొడ్యూసర్ కూడా...మరి నిర్మాత కనుక ఈ సినిమా ఎలా అయినా భారీ సక్సెస్ కావాలి అని అన్ని రకాలుగా కష్ట పడుతున్నాడు సందీప్ కిషన్. ఇక ఈ క్రమంలోనే ఈ సినిమాలో హీరోయిన్ కోసం వేట మొదలు పెట్టిన సందీప్ కిషన్ కి - ఏకంగా బాలీవుడ్ అన్యా సింగ్ నచ్చిందట.

తన సినిమాలో పాత్ర కోసం ఆమెను అడిగినట్లు టాలీవుడ్ సర్కిల్స్ నుంచి వినిపిస్తున్న సమాచారం. ఇక అన్యా సింగ్ గురించి చెప్పాలి అంటే ఈ భామ అందాల ఆరబోతలో ఏమాత్రం హద్దులు పెట్టుకోదు - దీపం ఉండగానే ఇల్లు చక్కబెట్టుకోవాలి అన్న వ్యవహారం. బహుశా ఆ కోణంలో ఆలోచించే - మసాలా టచ్ ఉంటే కానీ ప్రేక్షకులు పట్టించుకోవడంలేదు అని అనుకున్నాడో ఏమో - సందీప్ కిషన్ ఈ భామను తన సినిమాలో హీరోయిన్ గా అనుకుంటున్నాడట. మరి ఇప్పటివరకూ తనకు కలసి రాను అదృష్టం ఆమె ఆందాల సాక్షిగా అయినా కలసి వచ్చి ఈ సినిమా మంచి హిట్ అయ్యీ సందీప్ కి పేరుతో పాటు డబ్బులు కూడా తెచ్చిపెడుతుందేమో చూద్దాం.