నక్షత్రం హీరోకి ఇంకో క్రేజీ ప్రాజెక్టు

మంచి ఈజ్ ఉన్న నటుడిగా పేరు తెచ్చుకున్న యువ నటుడు సందీప్ కిషన్. రొటీన్ లవ్ స్టోరీ సినిమాతో లైమ్ లైట్ లోకి వచ్చిన సందీప్ కిషన్ కు వెంకటాద్రి ఎక్స్ ప్రెస్ తో బ్రేక్ దొరికింది. ఇక అక్కణ్నుంచి దూసుకుపోతాడని అంతా భావించినా ఆ తర్వాత సరైన హిట్ ఒక్కటీ పడలేదు. లాస్ట్ ఇయర్ రాజసింహ డైరెక్షన్ లో నిత్యమీనన్ హీరోయిన్ గా చేసిన ఒక్క అమ్మాయి తప్ప సినిమా బాక్సాఫీస్ వద్ద బోల్తా కొట్టింది. వరస ఎదురుదెబ్బలు తగులుతున్న తరుణంలో సందీప్ కు తమిళం నుంచి ఆహ్వానం వచ్చింది. తమిళ నటుడు శ్రీతో కలిసి చేసిన మల్టీస్టారర్ ‘మానగరం’ మంచి పేరు తెచ్చిపెట్టింది. నగరం పేరుతో తెలుగులో డబ్ అయినా సినిమా బాగుందని పేరొచ్చింది కానీ పైసలు రాలేదు.

ఛాన్సుల కోసం ఇలా కిందమీదా పడుతున్న తరుణంలో సందీప్ కిషన్ కు మరో క్రేజీ ప్రాజెక్టులో అవకాశమొచ్చింది. ఇటీవల 16 అనే ఇంట్రస్టింగ్ థ్రిల్లర్ మూవీ తీసిన కార్తీక్ నరేన్ నెక్ట్స్ ఫిలింలో సందీప్ చేయబోతున్నాడు. అసలు ఈ సినిమా ముందుగా నాగ చైతన్యతో తీద్దామనుకున్నారు. కానీ కొన్ని కారణాలతో నాగచైతన్య వెనక్కు తగ్గడంతో ఈ ఛాన్స్ సందీప్ ను వరించింది. సందీప్ కు క్రియేటివ్ డైరెక్టర్ కృష్ణవంశీ దర్శకత్వంలో నక్షత్రం సినిమా చేేసే అవకాశం వచ్చింది. చాలాకాలం తర్వాత కృష్ణవంశీ యాక్షన్ బేస్ డ్ ఫిలిం తీస్తుండటంతో ఈ సినిమాకు బజ్ బాగానే వచ్చింది. అదేమిటో నెలలు గడుస్తున్నా సినిమా థియేటర్లకు రావడం లేదు.

మానగరం తర్వాత సందీప్ కిషన్ కు తమిళంలో అవకాశాలు బాగానే వస్తున్నాయి. కానీ తనేమో తెలుగులో మరో బ్రేక్ తెచ్చుకోవాలని చూస్తున్నాడు. ఇప్పుడు కార్తీక్ నరేన్ సినిమా అతడి కోరిక తీరుస్తుందని ఆశిస్తున్నాడు. నాగచైతన్యకు మిస్ అయింది సందీప్ కు కలిసొస్తుందేమో... చూద్దాం.

Like Us on Facebook : https://www.facebook.com/Tupakidotcom/