అందాల రాణితో సందీప్ జోడీ

సందీప్ కిషన్ కెరీర్ ఇప్పుడు కాస్త స్లో అయిన విషయం వాస్తవమే. తెలుగు సినిమాల వరకూ నెమ్మదించినా.. కోలీవుడ్ లో బాగానే ప్రాజెక్టులను అందుకుంటున్నాడు. ప్రస్తుతం కుర్ర హీరోల మల్టీ స్టారర్ మూవీ శమంతక మణిలో ఓ హీరోగా నటిస్తున్నాడు సందీప్ కిషన్.

శమంతకమణిలో సందీప్ కిషన్ కి జోడీగా ఓ అందాల రాణిని తీసుకువస్తున్నారు. మిస్ ఇండియా ఆస్ట్రేలియా అయిన అనన్య సోనీ అనే భామను.. సందీప్ కి హీరోయిన్ గా ఎంపిక చేశారు. ఓ ధనిక కుటుంబానికి చెందిన అమ్మాయి అనన్య ఈ మూవీలో కనిపించనుండగా.. టాలీవుడ్ కెరీర్ ని ఈ భామ చాలా సీరియస్ గా తీసుకుందని తెలుస్తోంది. ఇప్పటికే తెలుగు నేర్చుకోవడం కోసం ట్యూటర్ ను పెట్టుకుని మరీ.. డైలాగ్స్.. ఎమోషన్స్ ను ఎలా క్యారీ చేయలనే అంశం పై శిక్షణ పొందుతోందట.

కుర్రాళ్ల మల్టీస్టారర్ గా రూపొందున్న శమంతకమణిలో సుధీర్ బాబు.. నారా రోహిత్.. ఆది కూడా నటిస్తున్నారు. ఒక నైట్ క్లబ్ లో ఓ రోజు రాత్రి జరిగిన సంఘటనను బేస్ చేసుకుని ఈ మూవీని తెరకెక్కిస్తుండగా.. క్రైమ్ కామెడీ జోనర్ లో శమంతక మణి ఉంటుంది. శ్రీరాం ఆదిత్య డైరెక్షన్ లో రూపొందే ఈ చిత్రాన్ని భవ్య క్రియేషన్స్ నిర్మిస్తోంది.

Like Us on Facebook : https://www.facebook.com/Tupakidotcom/