న్యూ ఇయర్ రోజు కూడా రాలేదు

ప్రస్తుతం వెండి తెరపై మెరుస్తోన్న చాలా మంది హీరోలు ఎదో ఒక చిన్న చిన్న క్యారెక్టర్స్ చేసి వచ్చినవాళ్లే. అదే తరహాలో సైడ్ క్యారెక్టర్స్ చేసి స్టార్ కమెడియన్ అయ్యి ఆ తరువాత హీరో అయిన వారిలో సునీల్ కూడా ఉన్నాడని ప్రత్యేకంగా చెప్పనక్కర్లేదు. అయితే మనోడు స్టార్ కమెడియన్ అయ్యాడు గాని హీరోగా మాత్రం సక్సెస్ అవ్వలేకపోయాడు. అప్పుడెప్పుడో అందాల రాముడు - మర్యాద రామన్న - పూల రంగడు తప్పితే ఇప్పటివరకు సునీల్ కెరీర్ లో పెద్ద హిట్టు అన్నదే లేదు.

ఎన్నో సినిమాలు ఊహించని విధంగా డిజాస్టర్ అయ్యాయి. ఉంగరాలు రాంబాబు - కృష్ణాష్టమి వంటి సినిమాలు నిర్మాతలకి చాలా నష్టాలను కలిగించాయి. ఇక రీసెంట్ గా 2 కంట్రీస్ సినిమా ద్వారా రిలీజ్ కు ముందు ట్రైలర్ తో భాగానే ఆకట్టుకున్నాడని అలాగే సునీల్ ఈజ్ బ్యాక్ అని కామెంట్స్ వినిపించాయి. కానీ సినిమా చూసిన తరువాత సునీల్ కామెడీ కనెక్ట్ అవ్వలేదు. మలయాళం లో హిట్టయిన ఆ సక్సెస్ ఫుల్ కథ సునీల్ కి ఏ మాత్రం సెట్ కాలేదని కామెంట్స్ వినిపిస్తున్నాయి. ఇక గత వారం రిలీజ్ అయిన ఈ సినిమా ఫైనల్ గా డిజాస్టర్ టాక్ ను సొంతం చేసుకుంది. కలెక్షన్స్ కూడా దారుణంగా పడిపోయాయి. కనీసం హాలిడే ఉన్న న్యూ ఇయర్ రోజు కూడా సినిమా ఏ మాత్రం రాబట్టలేకపోయింది.

దర్శకనిర్మాత శంకర్.. సునీల్ గత సినిమాల రిజల్ట్ ని లెక్క చేయకుండా కథను నమ్మి కొంచెం కాస్ట్లీగా తెరకెక్కించాడు. కాకపోతే సినిమాకు ప్రమోషన్స్ సరిగా చేయకపోవడంతో.. ఓపెనింగ్స్ కు దెబ్బపడింది. ఇక సినిమా కంటెంట్ ప్రేక్షకుల్ని మెప్పించకపోవడంతో నిర్మాతకు నష్టాలనే మిగిల్చింది. ఇక ఫైనల్ గా సునీల్ కామెడీ ట్రాక్ కు షిఫ్ట్ అవుతోన్న సంగతి తెలిసిందే.