క‌న్ఫ‌మ్.. సునీల్ భ‌య్యా చేయ‌డం లే

మ‌హేష్ హీరోగా న‌టిస్తున్న సినిమాలో క‌మెడియ‌న్ కం హీరో సునీల్ ఓ కీల‌క‌మైన క్యారెక్ట‌ర్‌ లో న‌టిస్తున్నాడంటూ ఇటీవ‌లి కాలంలో ప్ర‌చార‌మైంది. సునీల్ ప్రిన్స్‌ తో క‌లిసి త‌డాఖా చూపిస్తాడ‌నే అన్నారు. ఓ వైపు హీరోగా న‌టిస్తూనే .. మ‌రోసారి పెద్ద హీరోల సినిమాల‌లో క్యారెక్ట‌ర్ ల‌కు అంగీక‌రిస్తున్నాడు. ప్ర‌స్తుతానికి మ‌హేష్‌ తో ఓకే చేసుకున్నాడ‌ని ప్ర‌చార‌మైంది.

అయితే మ‌హేష్ సినిమాలో సునీల్ న‌టించే ఛాన్సే లేద‌ని స‌న్నిహిత వ‌ర్గాల ద్వారా రివీలైంది. సునీల్‌ కి ప్రిన్స్ సినిమాలో న‌టించే ఆస‌క్తి లేదు. దానికి కార‌ణం ఏమిటి? అనేది తెలీదు కానీ.. అత‌డి క్యారెక్ట‌ర్ అనుకున్నంత‌గా వ‌ర్క‌వుట‌వ్వ‌ద‌ని సునీల్ భావించి ఉండొచ్చు. లేదా కాల్సీట్ల స‌మ‌స్య అయినా అయి ఉండొచ్చు. కార‌ణం ఏదైనా మొత్తానికి మ‌హేష్ బ్ర‌హ్మోత్స‌వం నుంచి సునీల్ ఔట్ అనే సోర్సెస్ చెబుతున్నాయి.

హీరో అయ్యాక సునీల్ ఇమేజ్ పూర్తిగా మారింది. 6ప్యాక్‌ తో మారిన రూపానికి త‌గ్గ‌ట్టే న‌టించే క్యారెక్ట‌ర్ కూడా ఉండాల‌నుకుంటున్నాడు. మునుప‌టిలా పాత ప‌ర్స‌నాలిటీని త‌గిన‌ట్టు క్యారెక్ట‌ర్‌ ని రాసుకుంటే ప‌న‌వ్వ‌దు. ఆ రూపాన్ని తిరిగి ఎలానూ తేలేడు కాబ‌ట్టి.. మారిన రూపానికి త‌గ్గ‌ట్టే ద‌ర్శ‌క‌ర‌చ‌యిత‌లు క్యారెక్ట‌ర్ల‌ను రాయాల్సి ఉంటుంది. ఒక‌వేళ ప్రిన్స్‌ తో సినిమాలో ఆ స్ట‌యిల్ పాత్ర ద‌క్క‌క‌పోవ‌డం వ‌ల్లే సునీల్ వెన‌క్కి త‌గ్గాడ‌ని సందేహాలు వ్య‌క్తం అవుతున్నాయి.