మన మంగళం శ్రీను అక్కడ ఫుల్‌ బిజీ అయ్యాడే!

కమెడియన్ గా సుదీర్ఘ కాలం కెరీర్‌ కొనసాగించి ఆ తర్వాత అందాల రాముడు సినిమాతో హీరోగా ఎంట్రీ ఇచ్చిన సునీల్‌ కెరీర్ టర్న్‌ ల మీద టర్న్‌ లు అన్నట్లుగా సాగుతోంది. హీరోగా ఆశించిన స్థాయిలో సక్సెస్ లు దక్కక పోవడంతో ఆ మధ్య మళ్లీ కమెడియన్ గా కెరీర్ లో బిజీ అవ్వాలని భావించాడు.

ఇన్నాళ్లు కమెడియన్ గా.. కామెడీ హీరోగా సునీల్‌ ను చూసిన జనాలకు పుష్ప లో  మంగళం శ్రీను పాత్రలో విభిన్నంగా సునీల్‌ ను చూపించడం జరిగింది.

అంతకు ముందు సునీల్‌ ను కొన్ని సీరియస్ పాత్రల్లో చూశాం కానీ మంగళం శ్రీను పాత్రకు జనాలు బాగా కనెక్ట్‌ అవ్వడం జరిగింది. దాంతో ఇప్పుడు సునీల్‌ ను జనాలు ఆ పాత్రల్లో ఎక్కువ చూసే ఆసక్తి కనబర్చుతున్నట్లుగా తెలుస్తోంది.

అందుకే ఇప్పటికే సూపర్ స్టార్‌ రజినీకాంత్‌ తాజా చిత్రం జైలర్ లో కీలక పాత్రలో నటించే అవకాశం ను సునీల్‌ దక్కించుకున్నాడు. అంతే కాకుండా మరో తమిళ సినిమా లో కూడా సునీల్‌ కీలక పాత్రలో అదే డార్క్ షేడ్‌ లో కనిపించబోతున్నట్లుగా తెలుస్తోంది.

విశాల్ మార్క్ ఆంటోనీ సినిమాలో సునీల్‌ కీలక పాత్రలో కనిపించబోతున్నట్లుగా చిత్ర యూనిట్‌ సభ్యులు స్పెషల్‌ గా పోస్టర్ ను విడుదల చేసి ప్రకటించారు. సునీల్‌ పాత్ర ను పరిచయం చేస్తూ పోస్టర్‌ ను విడుదల చేశారు అంటే మార్క్ ఆంటోనీ లో సునీల్‌ పాత్ర ఎంత కీలకంగా ఉంటుందో అర్థం చేసుకోవచ్చు.

ఒక వైపు తెలుగు లో కమెడియన్ గా.. సీరియస్‌ పాత్రల్లో నటిస్తూనే మరో వైపు తమిళంలో వరుసగా సినిమాల్లో నటించడం విశేషం. ప్రస్తుతం తమిళంలో సునీల్‌ నటిస్తున్న నాలుగు అయిదు సినిమాలు షూటింగ్‌ దశలో ఉన్నాయి. ఈ ఏడాదిలోనే సునీల్‌ తమిళ సినిమాలు బాక్సాఫీస్ వద్ద క్యూ కట్టబోతున్నాయి.      



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.