స్టార్ హీరో మూవీతో 'విలన్'గా మారనున్న కమెడియన్.. నిజమేనా??

యాక్టర్ సునీల్.. కమెడియన్ గా తెలుగు తెరకు పరిచయమై ఇండస్ట్రీలో తనకంటూ ప్రత్యేక గుర్తింపు సొంతం చేసుకున్నాడు. అతికొద్దీ కాలంలోనే స్టార్ కమెడియన్‌గా ఎదిగిన సునీల్.. ‘అందాల రాముడు’ సినిమాతో హీరోగా మారాడు. ఆ తర్వాత స్టార్ డైరెక్టర్ రాజమౌళి తెరకెక్కించిన ‘మర్యాద రామన్న’ సినిమాతో ఇండస్ట్రీలో హీరోగా సెటిల్ అయిపోతాడు అని అంతా అనుకున్నారు. ఇక పూలరంగడు మూవీతో మీడియం హిట్ అందుకున్న సునీల్.. తర్వత హీరోగా చేసిన చాలా సినిమాలు బోల్తా కొట్టడంతో అయోమయంలో పడ్డాడు. ఇటు హీరోగా హిట్స్ లేక.. అటు కమెడియన్‌గా అవకాశాలు రాక సునీల్.. సినీ కెరీర్ పరంగా ఎన్నో ఇబ్బందులు ఎదుర్కొన్నాడు.

చేసేదేం లేక గ్యాప్ తీసుకొని తన మిత్రుడు, డైరెక్టర్ తివిక్రమ్ చొరవతో ఎన్టీఆర్ ‘అరవింద సమేత’ సినిమాతో కమెడియన్‌గా, క్యారెక్టర్ ఆర్టిస్టుగా మళ్లీ కెరీర్ స్టార్ట్ చేసాడు. ప్రస్తుతం చేతిలో పలు సినిమాలు ఉన్నాయని టాక్. అయితే ఇన్నాళ్లు కామెడీతో.. హీరో క్యారెక్టర్లతో ఎంటర్టైన్ చేసిన సునీల్ ఇప్పుడు విలన్‌గా తనను తాను ప్రూవ్ చేసుకోబోతున్నాడు. ఇదివరకే 'కలర్ ఫోటో' సినిమాతో సునీల్ తనలోని విలన్ కోణాన్ని చూపించాడు. అయితే ఈసారి ఓ భారీ సినిమాలో మెయిన్ విలన్ క్యారెక్టర్ చేయబోతున్నట్లు ఇండస్ట్రీ కోడైకూస్తోంది. అది కూడా తన మిత్రుడు త్రివిక్రమ్ - ఎన్టీఆర్ కాంబినేషన్ లో రానున్న 'అయినను పోయిరావలే హస్తినకు' సినిమాలో అని వినికిడి. అరవింద సమేతలో త్రివిక్రమ్ క్యారెక్టర్ ఇచ్చినా పెద్దగా క్లిక్ అవ్వకపోవడంతో ఎలాగైనా తన ఫ్రెండ్ కి మంచి బ్రేక్ ఇవ్వాలని త్రివిక్రమ్ విలన్ రోల్ ఇస్తున్నట్లు సినీవర్గాలలో వార్తలు హల్చల్ చేస్తున్నాయి. చూడాలి మరి దీని పై త్వరలో మేకర్స్ ఏదైనా క్లారిటీ ఇస్తారేమో..!!