కొత్త ఎనర్జీతో డిఫరెంట్ ఆడియో...

టాలీవుడ్ లో ఏడేళ్లుగా మ్యూజిక్ డైరెక్టర్ గా ఉన్న సునీల్ కశ్యప్.. ఇప్పుడు టాప్ డైరెక్టర్స్ లో ఒకడైన పూరీ సినిమాలకు వరుసగా సంగీతం అందిస్తున్నాడు. మెగా ప్రిన్స్ వరుణ్ తేజ్ నటించిన లోఫర్ ఆడియోలో.. ఫస్ట్ సాంగ్ గా వినిపించే "నొక్కెయ్.. దోచెయ్" మంచి మాస్ నంబర్ గా ఆకట్టుకుంటుంది. స్ఫూర్తితో కలిసి తనే పాడిన ఈ సాంగ్... స్టార్టింగ్ నుంచి ఎండింగ్ కంటిన్యూగా వినిపించేలా చేస్తుంది.

"నువ్వేడుస్తుంటే" అంటూ వచ్చే రెండో పాటన యాజిన్ నజీర్ హై ఎనర్జీతో పాడాడు. ఆద్యంతం ఈ ఎనర్జీ కంటిన్యూ అవుతుంది. ముఖ్యంగా టీజింగ్ సాంగ్ గా వచ్చే ఈ పాటకు యాజిన్ వాయిస్ యాడాన్ అడ్వాంటేజ్ అనాలి. ఇక యాజిన్ నజీర్, ప్రణవిలు పాడిన మూడో పాట "జియా జలే" అంటూ సాగుతుంది. మెలోడీ తరహాలో ఉండే ఈ పాటలో కవ్వాలి బిట్స్ కూడా చాలా అద్భుతంగా మిక్స్ చేయడం విశేషం. నాలుగో పాటగా "సువ్వీ సువ్వాలమ్మా" వినిపిస్తుంది. కారుణ్య ఈ పాటకు ప్రాణం పోశాడని అనాల్సిందే. సౌండ్స్ విషయంలో ఈ సాంగ్ కి చాలా కేర్ తీసుకున్నాడు సునీల్ కశ్యప్. సాంగ్ వినేటపుడు ఆ విషయం ప్రతీ సెకండ్ శ్రోతలకు అర్ధమవుతుంది.

ఇక ఆల్బంలో లాస్ట్ ఉన్నా.. బాగా ఆకట్టుకునే హై ఎనర్జీ మాస్ సాగ్ "చుట్ట బీడీ నోట్ల పెట్టు". రాహుల్, శ్రావణ భార్గవి ఈ పాటను పాడారు. ముఖ్యంగా శ్రావణ భార్గవి గొంతు ఈ పాటను మళ్లీ మళ్లీ వినాలని అనిపించేలా చేస్తుంది. అన్ని విభాగాల్లోనూ లోఫర్ ఆడియో బాగా ఆకట్టుకుంటోంది. రిలీజ్ టైం దగ్గరవుతున్న కొద్దీ.. ఎఫ్ఎం సహా అన్ని చోట్లా లోఫర్ ఆడియోకు బాగా క్రేజ్ పెరుగుతోంది.