నాది సీమ రచ్చ అంటున్న సునీల్

సునీల్ హీరోగా నటించిన సినిమాల సంగతి పక్కనబెడితే కమెడియన్ గా సునీల్ ఎప్పుడూ సూపరే. తెలుగు ఆడియన్స్ లో సునీల్ కు భారీగా అభిమానులున్నారు. సునీల్ టైమింగ్.. ఎక్స్ప్రెషన్స్ ఎలా ఉంటాయి అంటే.. నవ్వనే పదమే తెలీకుండా బతుకుతున్న సన్నాసిని కూడా నవ్వించేలా చేస్తాయి. ఇక చాలా ఏళ్ళ తర్వాత సునీల్ తన మాస్ హీరోయిజం పక్కనబెట్టి 'సిల్లీ ఫెలోస్' తో రీసెంట్ గా కమెడియన్ గా రీ-ఎంట్రీ ఇచ్చాడు. సినిమా నిరాశపరిచినా తన కామెడీకి మాత్రం పాస్ మార్కులే తెచ్చుకున్నాడు.

సునీల్ కామెడీ మునుపటిలా లేదు అనే విమర్శలు కూడా అక్కడక్కడా వినిపించాయి గానీ క్యారెక్టర్ .. డైలాగ్స్ లో సత్తా లేనప్పుడు సునీల్ ని విమర్శించడం సరికాదని సునీల్ అభిమానులు అంటున్నారు. ఈ సినిమా తర్వాత సునీల్ 'అరవింద సమేత వీర రాఘవ'.. 'అమర్ అక్బర్ అంటోని'.. 'పడి పడి లేచే మనసు' సినిమాల్లో కామెడీ పండించబోతున్నాడు. ఈమధ్య ఒక ఇంటర్వ్యూ లో 'అరవింద సమేత' లో తన పాత్ర గురించి మాట్లాడుతూ ఇంట్రెస్టింగ్ విషయాలు చెప్పాడు.

ఈ సినిమాలో త్రివిక్రమ్ తనకోసం ఒక జెన్యూన్ రోల్ డిజైన్ చేసిపెట్టాడట. సినిమాలో తన పాత్ర సీమ యాసలో మాట్లాదుతుందని.. పంచ్ లు ఆడియన్స్ ను సర్ ప్రైజ్ చేస్తాయని చెప్పాడు. ఇప్పటికే ఈ సినిమాలో వీర రాఘవుడికి సీమ గురువుగారు లా సునీల్ పాత్ర ఉంటుందని.. ఎన్టీఆర్ గురువుపై అతివినయం ప్రదర్శించడం దానికి సునీల్ రియాక్షన్స్ ఒక రేంజ్ లో ఉన్నాయని ఇప్పటికే టాక్ వచ్చింది. చూద్దాం.. త్రివిక్రమ్ తన స్నేహితుడికి ఎలాంటి సీమ పంచుల పేజీల సంచి ఇచ్చాడో!