సునీల్ అంత పుచ్చుకుంటున్నాడట!

బ్రహ్మానందం తర్వాత ఆ రేంజ్ లో తెలుగులో హవా సాగించిన కమెడియన్ సునీల్. ఎమ్మెస్ నారాయణ లాంటి సూపర్ కమెడియన్స్ వేరేవాళ్ళు ఉన్నప్పటికీ సునీల్ కు మాత్రం తెలుగు ప్రేక్షకుల్లో భారీ ఫాలోయింగ్ ఉండేది. అలాంటి ఫాలోయింగ్ ఉంది కాబట్టే హీరోగా మారినా ఆదరించారు. మొదట్లో కామెడీ హీరోగా ఉన్నపుడు యాక్సెప్ట్ చేసిన ఆడియన్స్ సునీల్ మాస్ హీరోగా అవతారం ఎత్తడంతో అయన సినిమాలపై పెద్దగా ఆసక్తి చూపించలేదు. దాంతో ఇప్పుడు మళ్ళీ కమెడియన్ గా రీ-ఎంట్రీ ఇస్తున్నాడు. మరి సునీల్ రెమ్యునరేషన్ ఎంత?

హీరోగా ఉన్నపుడు సినిమాకు ఇంత అనే ప్యాకేజ్ లా ఉన్న రెమ్యునరేషన్ ఇప్పుడు రోజువారీ కాల్షీట్ లకు మారిందట. సునీల్ ఒక రోజు కు రూ. 3.5 లక్షలు తన రెమ్యునరేషన్ గా తీసుకుంటున్నాడని టాక్. ఇప్పుడు సునీల్ దాదాపు అరడజను సినిమాల్లో కామెడీ రోల్స్ లో నటిస్తున్నాడు. ఈమధ్యనే రిలీజ్ అయిన ఎన్టీఆర్ తాజా చిత్రం 'అరవింద సమేత వీర రాఘవ' టీజర్లో సునీల్ కనిపించాడు. డైరెక్టర్ త్రివిక్రమ్ కు సునీల్ క్లోజ్ ఫ్రెండ్ కాబట్టి మంచి కామెడి పంచ్ డైలాగ్స్ రాసి ఉంటాడనే అంచనాలు ఉన్నాయి.

మరి రీ-ఎంట్రీ ఎలా ఉంటుందో తెలియాలంటే దసరా వరకూ వేచి చూడాలి. ఎలా ఉన్నా సునీల్ కు మాత్రం మనవైపు నుండి అల్ ది బెస్ట్ చెప్తే సరి. ఎంతైనా సూపర్ పంచ్ లతో తెలుగు వాళ్ళని ఎన్నో ఏళ్ళు కడుపుబ్బ నవ్వించిన నటుడు కదా.