షాకిస్తున్న సునీల్ రెమ్యున‌రేష‌న్‌

క‌మెడియ‌న్ నుంచి హీరోగా మారాడు సునీల్‌. అక్క‌డ ఆడిన‌న్నాళ్లు ఆటాడాడు. ఇక లాభం లేద‌నుకోగానే ఇప్పుడు రూటు మార్చాడు. ఓవైపు హీరోగా అడ‌పాద‌డ‌పా సినిమాలు చేస్తూనే క‌మెడియ‌న్‌ గా స‌హాయ‌క‌పాత్ర‌ల‌కు సంత‌కాలు చేస్తున్నాడు. అలా ఇప్ప‌టికే నాలుగు సినిమాల్లో న‌టిస్తున్నాడు. వీటిలో ఫ్రెండు త్రివిక్ర‌మ్ సినిమా అత‌డికి ఎంతో ఇంపార్టెంట్‌. ఎన్టీఆర్ క‌థానాయ‌కుడిగా త్రివిక్ర‌మ్ తెరకెక్కిస్తున్న `అర‌వింద స‌మేత‌` చిత్రంలో సునీల్ ఫుల్ లెంగ్త్ క‌మెడియ‌న్‌ గా క‌నిపించ‌నున్నాడు.

ఇది సెకండ్ ఇన్నింగ్స్ లాంటిదే అయినా సునీల్ ఈ చిత్రానికి ఎంత పారితోషికం అందుకున్నాడో తెలిస్తే క‌ళ్లు తేలేస్తారు. హీరో నుంచి క‌మెడియ‌న్‌ గా బౌన్స్ బ్యాక్ అయ్యాక అత‌డికి ఏకంగా కోటి పైగా పారితోషికం ముట్ట‌జెబుతున్నార‌ట‌. ఫ్రెండు త్రివిక్ర‌మా? మ‌జాకానా? అంటూ ఒక‌టే ముచ్చ‌ట సాగుతోంది. క‌మెడియ‌న్‌ గా పీక్స్‌ లో ఉన్న‌ప్పుడు రోజుకి రూ.2ల‌క్ష‌ల నుంచి రూ.5ల‌క్ష‌ల వ‌ర‌కూ అందుకునేవాడు సునీల్‌. ఇప్పుడు మ‌ళ్లీ అదే బాట‌లో వెళుతున్న‌ట్టే అర్థ‌మ‌వుతోంది. అర‌వింద స‌మేత‌కు చాలా కొద్దిరోజులే ప‌ని చేసినా భారీ మొత్తాన్ని అందుకోవ‌డం చ‌ర్చ‌కొచ్చింది. ఇక‌ ఈ చిత్రంలో బ్ర‌హ్మీతో సునీల్ కామెడీ సీన్స్ సినిమాకే హైలైట్ ఉంటాయ‌ని తెలుస్తోంది. సునీల్ హీరోగా న‌టించిన 2 కంట్రీస్ చిత్రం డిజాస్ట‌ర్ రిజ‌ల్ట్ అందుకున్న సంగ‌తి తెలిసిందే. ఆ క్ర‌మంలోనే ఇలా ప్లేటు ఫిరాయించి కొత్త రూట్‌ లోకొచ్చాడు.