హిందీ RX100 హీరో ఈ బాబే!

'RX100' సినిమా తెలుగులో ఘన విజయం సాధించడంతో ఇతర భాషలలో రీమేక్ చేసేందుకు చాలామంది ముందుకొచ్చారు. సినిమా రిలీజ్ అయిన కొద్ది రోజులలోనే తమిళ రిమేక్ రైట్స్ డీల్ క్లోజ్ అయింది. ఆది పినిశెట్టి తమిళంలో హీరోగా నటిస్తున్నాడు. ఇక రీసెంట్ గా హిందీ రీమేక్ రైట్స్ ను బాలీవుడ్ ప్రొడ్యూసర్ సాజిద్ నడయడ్వాలా చేజిక్కించుకున్నాడు.

ఈ రీమేక్ తో సీనియర్ బాలీవుడ్ హీరో సునీల్ శెట్టి కుమారుడు ఆహన్ శెట్టి ని హీరో గా పరిచయం చేస్తున్నారని బాలీవుడ్ మీడియాలో కథనాలు వస్తున్నాయి. 22 ఏళ్ళ ఆహన్ శెట్టి ఇప్పటికే యాక్టింగ్.. డ్యాన్స్.. ఫైట్స్ తదితర అంశాలలో ట్రైనింగ్ తీసుకుంటున్నాడట. ఈ సినిమాకు మోహిత్ సూరి దర్శకత్వం వహిస్తాడని సమాచారం. డైరెక్టర్ మోహిత్ సూరి ఖాతాలో 'మర్డర్ -2'.. 'ఆషికి-2' లాంటి సూపర్ హిట్స్ ఉన్నాయి. ఇక అయన లాస్ట్ ఫిలిం 'హాఫ్ గర్ల్ ఫ్రెండ్'.

RX100 లాంటి బోల్డ్ సినిమాను హిందీలో ఎలా తెరకెక్కిస్తారో... సునీల్ శెట్టి కుమారుడు తన మొదటి సినిమాతో ప్రేక్షకులను ఎలా మెప్పిస్తాడో వేచి చూడాలి. ప్రొడ్యూసర్ సాజిద్ నడయడ్వాలా ఆహన్ తో 4 సినిమాల డీల్ కుదుర్చుకున్నాడని బాలీవుడ్ లో టాక్ వినిపిస్తోంది. ఇప్పటికే బాలీవుడ్ నిండా వారసులే ఉన్నారు.. అంతా నెపోటిజం అని మొత్తుకుంటున్న వారు ఇవన్నీ తెలిస్తే అంతెత్తున ఎగిరిపడడం ఖాయం.